უზბეკეთის ნახევარმცველი ჯალოლიდინ მაშარიპოვი (მარცხნივ) ბურთს არაბთა გაერთიანებული საემიროების თავდამსხმელ ალი სალეჰს უპირისპირდება 2025 წლის 5 ივნისს აბუ დაბიში გამართული მსოფლიო ჩემპიონატის შესარჩევი მატჩის დროს.
გაზიარება
ბეჭდვა

უზბეკეთის ეროვნულმა ნაკრებმა ისტორიაში პირველად მოიპოვა მსოფლიო ჩემპიონატის საგზური.

საკვალიფიკაციო ეტაპის ბოლოსწინა ჯგუფურ რაუნდში გუნდმა არაბთა გაერთიანებული საამიროების ნაკრებს ფრედ ითამაშა, რაც მსოფლიო ჩემპიონატზე გასასვლელად საკმარისი აღმოჩნდა.

ამგვარად, უზბეკეთი, რომელმაც ჯგუფში ირანის შემდეგ მეორე ადგილი დაიკავა, ცენტრალური აზიის პირველი ქვეყანა გახდა, რომელმაც მსოფლიო ჩემპიონატზე თამაშის უფლება მოიპოვა.

უზბეკეთს საკვალიფიკაციო ტურნირში კიდევ ერთი თამაში აქვს დარჩენილი: 10 ივნისს გუნდი ტაშკენტში კატარის გუნდს უმასპინძლებს. თუმცა, უზბეკებისთვის ეს მატჩი უკვე სიმბოლური იქნება - 2026 წლის მსოფლიო ჩემპიონატის ბილეთი უკვე ჩანთაშია.

შეგახსენებთ, რომ 2026 წლის მსოფლიო ჩემპიონატზე, რომელიც აშშ-ში, კანადასა და მექსიკაში გაიმართება, აზიის (AFC) რეგიონის 8 გუნდი მიიღებს მონაწილეობას, რაც სამით მეტია წინა მსოფლიო თასებზე.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული