ზუგდიდის მუნიციპალიტეტის ახალკახათის ადმინისტრაციულ ერთეულში ორ სართულიანი საბავშვო ბაღის მშენებლობა დაიწყო.

თანამედროვე ტიპისა და ევროპული სტანდარების საბავშვო ბაღი 77 აღსაზრდელზე იქნება გათვლილი. ბაღში განთვასდება სამი ჯგუფი. სამივე ჯგუფს ინდივიდუალური საკონცერტო დარბაზი, სამზარეულო, სველი წერტილებისთვის განკუთვნილი საერთო ოთახი და გარდერობი ექნება. 

როგორც ზუგდიდის გამგეობაში აღნიშნავენ, შენობის შესასვლელში მოეწყობა პანდუსი და საბავშვო ბაღში შშმ პირთათვის ადაპტირებული გარემო იქნება. 

ახალკახათში სკოლამდელი სააღმზრდელო დაწესებულების შენობის არ არსებობის გამო, ამ დროისთვის საბავშვო ბაღი განთავსებულია დაქირავებულ კერძო ოჯახში. საბავშვო ბაღი ორი ჯგუფისგან შედგება და სულ 57 აღსაზრდელი ირიცხება. მსურველ ბავშვთა რაოდენობა დამატებით 30 –ს შეადგენს , თუმცა არსებულ ბაღში ფართის სიმცირის გამო ბავშვების მიღება ვერ ხერხდება. 

როგორც ზუგდიდის გამგეობაში ამბობენ, ახალკახათში, ორ სართულიანი, სააღმზრდელო დაწესებულების მშენებლობა მიმდინარე წლის მარტში დასრულდება და პროექტის ღირებულება 188 ათას ლარს შეადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული