გურჯაანში აქციის მონაწილეებმა თელავი-თბილისის გზის გურჯაანის მონაკვეთი გადაკეტეს. 

აქციაზე მევენახეები კახეთის სხვადასხვა რაიონებიდან არიან შეკრებილი და ყურძნის არსებული ფასის მომატებას ითხოვენ.

როგორც აქციის მონაწილეები აცხადებენ, თუ მათი მოთხოვნები არ შესრულდება ისინი არ დაიშლებიან და ვენახებს გაჩეხავენ.  

ადგილზე მობილიზებულია საპატრულო პოლიცია.

ცნობისთვის, მევენახეებს დღეს კახეთის გუბერნატორი ირაკლი შიოლაშვილი  შეხვდა. მან გლეხების  მოთხოვნები მოისმინა, თუმცა მისი თქმით, ყურძნის ფასებს ბაზარი არეგულირებს და არა სახელმწიფო. ამასთან, როგორც გუბერნატორმა აღნიშნა, სუბსიდია სახელმწიფოს საჩუქარია.

„მოსახლეობაში ისეთი განწყობაა, თითქოს ფასებს ჩვენ ვარეგულირებთ, ეს არის აბსოლუტურად მცდარი, ეს არის სახელმწიფოს საჩუქარი, რომელიც 35 თეთრის ფარგლებში შემოიფარგლება. რაც შეეხება კერძო სექტორს, რა ფასად ჩაიბარებს ყურძენს, ეს არ არის სახელმწიფოს სარეგულაციო ნაწილი, კერძო სექტორი თავის ფასს თვითონ შესთავაზებს", - განაცხადა ირაკლი შიოლაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი