საქართველოს შეიარაღებული ძალების გენერალური შტაბის უფროსი ავღანეთის ისლამურ რესპუბლიკაში ვიზიტს განაგრძობს.

თავდაცვის სამინისტროს ინფორმაციით, გენერალ-მაიორმა ვახტანგ კაპანაძემ "მტკიცე მხარდაჭერის" მისიის მეთაურთან, არმიის გენერალ ჯონ კემპბელთან გამართა შეხვედრა.

გენერალური შტაბის უფროსმა და ავღანური მისიის ხელმძღვანელმა "მტკიცე მხარდაჭერის" მისიაში ქართველი სამხედროების წვლილზე ისაუბრეს. გენერალმა კემპბელმა ქართველი ჯარისკაცების მაღალ პროფესიონალიზმს გაუსვა ხაზი და საერთაშორისო სამშვიდობო მისიაში მონაწილეობისთვის თითოეულ ჯარისკაცს მადლობა გადაუხადა.

"მტიცე მხარდაჭერის" მისიის შტაბ-ბინაში სტუმრობისას, საქართველოს გენერალური შტაბის უფროსმა III ქვეითი ბრიგადის 31-ე ბატალიონის ასეული მოინახულა და მეთაურისგან ქვედანაყოფის საქმიანობის შესახებ პრეზენტაცია მოისმინა. მოგვიანებით, გენერალ-მაიორი ვახტანგ კაპანაძე 31-ე ბატალიონის საცხოვრებელ და სამუშაო პირობებსაც გაეცნო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი