ჯანდაცვის მინისტრის მოადგილე, თამარ გაბუნია აცხადებს, რომ ქვეყანაში ახალი რეგულაციების შემოღება არ იგეგმება და საკოორდინაციო საბჭოს პოზიცია, რომ არსებული რეგულაციების შესრულება მაქსიმალურად გამკაცრდეს.

როგორც გაბუნიამ ბრიფინგზე განაცხადა, შეინიშნება მატება პირბადის ტარების მაჩვენებელთან მიმართებაში, რაც 47%–ზეა ასული.

მისივე თქმით, ამ ეტაპზე, არ არის სასურველი ვაქცინაციის ტემპი, თუმცა არსებობს რესურსი, რომ მოსახლეობის დამატებით ორგანიზება მოხდეს.

"საბჭოს პოზიცია ცალსახად არის ის, რომ არსებული რეგულაციების შესრულება მაქსიმალურად გამკაცრდეს, ოდნავი მატება გვაქვს პირბადის გამოყენების მაჩვენებელში 47%–ზეა ასული, ეს მეტად უნდა გაიზარდოს, მონიტორინგი ამ მიმართულებით, იქნება მაქსიმალურად მკაცრი

გამოსავალი ისევ და ისევ არის იმ ბაზისური რეგულაციების აღსრულება, რომელიც ვიცოდით პანდემიის პირველი დღიდან, პირბადე, დისტანცია, ჰიგიენა. ყველაზე ქმედითი არის ეს რეგულაციები. მიმდინარე პერიოდში იქნება დიდი აქცენტი, რომ რეგულაციების მაქსიმალური დაცვა მოხდეს, მაგრამ დამყოლობის ნაწილიც მნიშვნელოვანია და თითოეულმა მოქალაქემ პასუხისმგებლობა უნდა გაიაზროს. ვაქცინაციის ტემპი რომელიც ახლა გვაქვს, არ არის სასურველი, მაგრამ არსებობს რესურსი, რომ მოსახლეობის დამატებით ორგანიზება მოხდეს", – განაცხადა თამარ გაბუნიამ.

ავტორი: ექსპრესნიუსი,

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა