აფხაზეთი რუსეთისთვის ღვინის ერთ-ერთი მთავარი მიმწოდებელი გახდა. რუსული მედიის ინფორმაციით, წლის პირველ ნახევარში აფხაზეთიდან რუსეთში 7,7 მილიონი ლიტრი ღვინო შევიდა, რაც წინა მაჩვენებელს 26,3%-ით აღემატება.

ამის მიზეზად რუბლის გაუფასურების გამო ევროკავშირიდან რუსეთში ღვინის ექსპორტის მნიშვნელოვნად დაცემა სახელდება. შექმნილი ვითარებიდან გამომდინარე კი, იმპორტიორებს შორის პირველად აფხაზეთის მიმწოდებელი კომპანია “მისტრალ ალკო” დაწინაურდა.

ამასთან, დაეცა ისეთი მიმწოდებელი ქვეყნების მაჩვენებლები, როგორებიცაა – ესპანეთი (24,6%-ით, 12,6 მლნ ლიტრით), იტალია (33,8%-ით, 10,9 მლნ ლიტრით), საფრანგეთი (51,1%-ით, 10 მლნ ლიტრით). რუსეთში ღვინის იმპორტი ორჯერ შემცირდა გერმანიიდან არგენტინიდან და აშშ-დან. ათეულობით მსხვილი იმპორტიორებიდან წლის პირველ ნახევარში მაჩვენებლის გაზრდა მხოლოდ ერთმა – აფხაზეთმა შეძლო. გამოცემა rbc.ru წერს, რომ ამ ეტაპზე, აფხაზეთი რუსეთის ღვინის იმპორტიორებს შორის, “ღვინის დიდი სამეულის” (ესპანეთი, იტალია, საფრანგეთი) შემდეგ, მეოთხე ადგილზეა. აქამდე ღვინის იმპორტით აფხაზეთს ისეთი ქვეყნები უსწრებდნენ, როგორებიცაა ჩილე, უკრაინა, მოლდოვა და ბულგარეთი. გასულ წელს რუსეთში ღვინის იმპორტით ბევრად მაღალი პოზიცია ეკავა საქართველოსაც. საქართველოდან იანვარ-ივნისის პერიოდში რუსეთში 6,5 მილიონი ბოთლი ღვინის ექსპორტი განხორციელდა, რაც წინა წლის იმავე პერიოდის მაჩვენებელზე 63%–ით ნაკლებია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია