სუპერმარკეტების ქსელი „სმარტი“ სახალხო მოძრაობა „მადლიანი საქართველოს“ ფარგლებში სააღდგომო საქველმოქმედო აქციას მართავს, რომელიც აღდგომის დღესასწაულამდე გაგრძელდება.

აღნიშნული საქველმოქმედო აქციის ფარგლებში, მომხმარებელთან ერთად ვაკის, საბურთალოსა და რუსთაველის ობიექტებში განთავსებულ „მადლიან კალათებში“ სოციალურად დაუცველებისთვის სურსათ-სანოვაგეს აგროვებენ.

„სუპერმარკეტების ქსელი “სმარტი“ აღდგომის დღესასწაულისთვის განსაკუთრებულად ემზადება. ერთგული მომხმარებლისთვის უამრავი უგემრიელესი შეთავაზება და მიმზიდველი აქცია გვაქვს, მაგრამ გვინდა უყურადღებოდ არც ის ადამიანები დავტოვოთ, ვისაც არ აქვს შესაძლებლობა უსახსრობის გამო აღდგომის სადღესასწაულო განწყობა სრულყოფილად შეიგრძნოს. ამიტომ ერთგულ მომხმარებელთან ერთად „მადლიან კალათას“ საჭირო სურსათ-სანოვაგით ავავსებთ და მივცემთ მათ შესაძლებლობას ბრწყინვალე დღესასწაული სათანადოდ აღნიშნოს. აღნიშნული აქცია აღდგომის დრესასწაულამდე გაგრძელდება“, - განაცხადა „სმარტის“ მარკეტინგის დირექტორის მოადგილემ, რუსუდან კბილაშვილმა.

ცნობისთვის, სახალხო მოძრაობა „მადლიანი საქართველოს“ მიზანია სამოქალაქო საზოგადოების მშენებლობის ხელშეწყობა, ნებელობითი სოციალური სოლიდარობის ტრადიციების ჩამოყალიბება, ქართულ საზოგადოებაში ევროპული სოლიდარული ღირებულებების დამკვიდრება, რათა საქართველოში ადამიანები საარსებო პირობებითა და საკვებით იყვნენ უზრუნველყოფილნი. 

„სახალხო მოძრაობა „მადლიანი საქართველო“ აქციებს „დააპურე საქართველო“ თბილისში, ბათუმსა და ქუთაისში კვლავ განაგრძობს და მოუწოდებს მსხვილი და საუბნო მარკეტების მფლობელებს თავიანთ მაღაზიებში „მადლიანი კუთხე“, თარო, მაგიდა ან მაცივარი მოაწყონ, სადაც მომხმარებლებს შეეძლებათ დატოვონ  სურსათი, იმათთვის ვისაც ეს ყველაზე მეტად სჭირდებათ და სოციალურად გაჭირვებულებს აღდგომა გაულამაზონ. სიკეთე ძალაა, ძალა ერთობაშია, ჩვენ ვართ ძალა, ჩვენ ერთად დავამარცხებთ შიმშილს“, - განაცხადა „მადლიანი საქართველოს“ პრესს-მდივანმა, მეგი ჭყოიძემ. 

აღსანიშნავია, რომ ვაკის „სმარტში“ პარალელურად სოციალურად დაუცველ ბავშვებს შესაძლებლობა ჰქონდათ საკვირაო სკოლა "რებუსთან“ ერთად სააღდგომო დეკორაციები შეექმნათ.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი