ფერადი შემოდგომა კარს მოგვადგა და SOLO-მაც, TRICOLOR Studio-სთან ერთად, ამ სეზონის შესაფერისი, უნიკალური SOLO ვიტრინები შექმნა. ვიტრინები გამოჩენილი ქართველი კომპოზიტორის, გია ყანჩელის დაუვიწყარი კომპოზიციის -  „ყვითელი ფოთლების“ ინსპირაციით შეიქმნა. SOLO ვიტრინებზე თბილისური შემოდგომაა გამოსახული - საშემოდგომო ხეებით, ყვითელი ფოთლებით აჭრელებული ქუჩებითა და ქარს აყოლილი მოცეკვავე ფოთლებით.

„SOLO ყოველთვის იყო ქართული ხელოვნების, შემოქმედებისა და ნიჭის, ქართული უნიკალური მემკვიდრეობის მხარდამჭერი. ჩვენთვის დიდი პატივია, რომ მოგვეცა შესაძლებლობა,  გია ყანჩელის ოჯახის თანხმობით  და „ყვითელი ფოთლების“ ინსპირაციით,  შეგვექმნა ეს ულამაზესი და გამორჩეული ვიტრინები, სადაც თითოეული ფოთოლი ხელით არის დამზადებული. SOLO-ს ასევე ერგო პატივი და გია ყანჩელის უკვდავი კომპოზიცია SOLO-ს ლაუნჯებში გაისმება“, - განაცხადა SOLO-ს ბრენდ მენეჯერმა ლიზა ქისტაურმა.

„ჩვენი მიზანი იყო, რომ კიდევ ერთხელ, ამჯერად SOLO ლაუნჯებში გაგვეცოცხლებინა გია ყანჩელის  მემკვიდრეობა,“ - დასძენს ლიზა ქისტაური.

„ჩვენი შემოდგომის ვიტრინების თემა გია ყანჩელის  „ყვითელი ფოთლებია“. ვიტირნებში მოთავსებულ დიდი ზომის თითოეულ ტოტზე და ღეროზე ათასობით ყვითელი ფოთოლი სათითაოდ, ხელით დამაგრდა. ფოთლების ნაწილი მსუბუქად მოძრაობს ჰაერის ნაკადის მეშვეობით, სპეციალურად დამონტაჟებული მექანიზმების დახმარებით. ფოთლების რხევა  შემოდგომის ნიავის შეგრძნებას გვაძლევს. ვიტრინის ფერადი, ამრეკლავი ფონი კი ყვითელ ფოთლებს ფერადოვნებას ანიჭებს“, - ამბობს TRICOLOR Studio-ს დამფუძნებელი და დიზაინერი ნინო კალანდაძე.

ავტორი: R (რეკლამა),

სოციალური ქსელები

ოკუპანტების მიერ დაკავებული საქართველოს მოქალაქე თავისუფალია

ახალი მოდელები, ფლიტ მენეჯმენტი და B2B მიმართულების გაფართოება - „ჯილი ცენტრი თეგეტამ“ 2026 წლის პირველ კვარტალში რეკორდული შედეგები აჩვენა

დენის ფასის გაზრდის მიუხედავად, ოცნებამ 157 ენერგეტიკულ კომპანიას 1 მილიარდი ლარის ჯარიმები აპატია

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა