სოფლის მეურნეობის მინისტრი ოთარ დანელია საზოგადოებას "რთველი 2015"-ის მიმდინარეობის შესახებ ინფორმაციას აწვდის. როგოც დანელიამ ჟურნალისტებს განუცხადა, ყურძნის ფასის გადახედვა მთავრობის პრეროგატივა არ არის და მიუხედავად იმისა, რომ წელს სუბსიდირება არ იგეგმებოდა, მისი განხორციელება მაინც მოხდება.
"საზოგადოებას, მევენახეებს, მეღვინეებს, დეპუტატებს გავაცნობთ რეალურად არასებულ სიტუაციას და სიცხადეს შევიტანთ, თუ რა ხდება რეალურად, რა გავაკეთეთ ჩვენ, როგორ მიმდინარეობს რთველი. ფასის გადახედვა ჩვენი პრეროგატივა არ არის. ჩვენ გვაქვს სუბსიდირება, რომელსაც არ ვგეგმავდით, მაგრამ გავაკეთებთ. დავამტკიცეთ შარშანდელი ნიშნულები. ამას, რა თქმა უნდა, ვერ გადავხედავთ. ეს არის საბიუჯეტო სახსრები, ხალხის ფული და ჩვენ ამას უნდა გავუფრთხილდეთ. ეს არის მაქსიმალური რესურსი, რისი გამოყოფაც ამ ეტაპზე სახელმწიფომ შეძლო. ქარხნების ნებაა, რას გადაიხდიან და როგორ.ამას უკვე ბაზარი დაარეგულირებს",-აღნიშნა ოთარ დანელიამ.
ცნობისთვის, პრემიერ-მინისტრის დავალებით, წლევანდელ რთველზე მთავრობა ყურძნის სუბსიდირებას განახორციელებს. როგორც აღინიშნა, ძირითადად შარშანდელი მიდგომები გავრცელდება, თუმცა ასევე  გარკვეული ცვლილებებიც იგეგმება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა