2015-06-11 12:51:47, 426 ნახვა

---

კავკასიის ბუნების ფონდმა, დაცული ტერიტორიების სააგენტოსთან თანამშრომლობის 5 წელი აღნიშნა

კავკასიის ბუნების ფონდმა სსიპ დაცული ტერიტორიების სააგენტოსთან თანამშრომლობის 5 წელი აღნიშნა.

გარემოს დაცვის სამინისტროს ინფორმაციით, "ქარვასლას” საგამოფენო დარბაზში მიღება გაიმართა, რომელსაც  საქართველოს პრეზიდენტი გიორგი მარგველაშვილი და გარემოსა და ბუნებრივი რესურსების დაცვის მინისტრი გიგლა აგულაშვილი ესწრებოდნენ.

 კავკასიის ბუნების  ფონდმა საქართველოს დაცული ტერიტორიების განვითარებისათვის დაახლოებით ხუთი მილიონი ლარის ინვესტიცია განახორციელა. ამასთან, მომდევნო 5 წლის მანძილზე, თანამშრომლობის ფარგლებში, დაგეგმილია დაცული ტერიტორიების ინფრასტრუქტურის გაუმჯობესება, ეკოტურიზმის განვითარება და გარემოსდაცვითი ცნობიერების ამაღლების მიზნით საგანმანათლებლო სივრცის შექმნა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი