ჩიქუნეთის მოსახლეობას უფასო სამედიცინო მომსახურება გაეწია

2015-04-22 10:31:45, 480 ნახვა

საზოგადოება

"ბათუმის რესპუბლიკური კლინიკური საავადმყოფოს" ექიმებმა ხელვაჩაურის მუნიციპალიტეტში უფასო სამედიცინო აქცია ჩაატარეს.

აჭარის ჯანდაცვის სამინისტროს ინფორმაციით, სამედიცინო მომსახურებით ჩიქუნეთის მოსახლეობამ ისარგებლა.

აქციის ფარგლებში ადგილობრივმა კარდიოლოგის, ნერვოპათოლოგის, ქირურგის, დერმატოლოგის, ოტოლარინგოლოგის, ბავშთა ქირურგის, პედიატრისა და მამოლოგის კონსულტაცია მიიღეს. პაციენტებს ჩაუტარდათ ექოსკოპიური კვლევაც.

აქციის ფარგლებში სამედიცინო მომსახურება 50 პაციენტს გაეწია. აქცია სამედიცინო დაწესებულების ინიციატივით და ხელვაჩაურის გამგეობის ორგანიზებით ჩატარდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან