„ოპერატიული მონაცემებით, უკრაინის ტერიტორიაზე ლუგანსკის ოლქში რუსეთის მხრიდან 12 საბრძოლო მანქანა და იარაღით დატვირთული 54 სატვირთო შემოვიდა“,-ამის შესახებ უკრაინის ანტიტერორისული ოპერაციის შტაბის პრესმდივანმა ანდრეი ლისენკომ განაცხადა.
ლისენკოს თქმით, დებალცევოში აქტიური ბრძოლა რკინიგზის სადგურთან გრძელდება.
„დებალცევოში სასტიკი შეტაკებები მიმდინარეობს, საბრძოლო მოქმედებებია დონეცკის ოლქის სხვა რაიონებშიც. უკრაინელი სამხედროები პოზიციების შენარჩუნებას ახერხებენ. ცოტა ხნის წინ მივიღეთ ინფორმაცია, რომ  დებალცევოში აქტიური ბრძოლა გრძელდება რკინიგზის სადგურთან. დაღუპულია ათი სამხედრო მოწინააღმდეგე. ოპერატიული მონაცემებით უკრაინის ტერიტორიაზე ლუგანსკის ოლქში რუსეთის მხრიდან 12  საბრძოლო მანქანა და იარაღით დატვირთული  54 სატვირთო შემოვიდა. მოწინააღმდეგე უპილოტო საფრენი აპარატების ტერიტორიის დაზვერვას ახორციელებს“,-განაცხადა ლისენკომ.
შეგახსენებთ, რომ აღმოსავლეთ უკრაინაში მინსკში ხელმოწერილი დოკუმენტის მიუხედავად საბრძოლო მოქმედებები გრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს