ანი მიროტაძე: პრეზიდენტის არჩევანით კმაყოფილი ვარ, ნინო გვენეტაძეს მხარს დავუჭერ

2015-02-17 14:36:25, 477 ნახვა

პოლიტიკა

საპარლამენტო უმრავლესობის წევრი ანი მიროტაძე პრეზიდენტის არჩევანით კმაყოფილია. როგორც მიროტაძემ ჟურნალისტებს განუცხადა, უზენაესი სასამართლოს თავმჯდომარეობის კანდიდატ ნინო გვენეტაძეს თავად მხარს დაუჭერს.
"კმაყოფილი ვარ პრეზიდენტის ამ არჩევანით. მე როგორც ერთი დეპუტატი, მხარს დავუჭერ, ვინაიდან ვფიქრობ, რომ ნინო გვენეტაძის შემთხვევაში ყველაზე მთავარი რაც უნდა იყოს, იქნება გარანტირებული პრინციპულობა და სამართლიანობა",-განაცხადა ანი მიროტაძემ.
შეგახსენებთ, პრეზიდენტმა უზენაესი სასამართლოს თავმჯდომარეობის კანდიდატად ნინო გვენეტაძე დაასახელა. გიორგი მარგველაშვილის განცხადებით, პრეზიდენტის ადმინისტრაციის მიერ შერჩეული კანდიდატი არის სიმბოლო იმისა, რომ საქართველოში არსებობენ მოსამართლეები, რომლებიც ყველაზე მაღლა სასამართლო ხელისუფლების სიძლიერეს აყენებენ. მისივე თქმით, კანდიდატის შერჩევისას გადაწყვეტილების მიღება რთული იყო, რადგან მათ შორის ბევრი იყო ღირსეული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან