The Jerusalem Post- ის ცნობით, რუსეთის დაზვერვამ ირანს გადასცა ისრაელის ენერგეტიკული ინფრასტრუქტურის 55 მნიშვნელოვანი ობიექტის დეტალური სია. გამოცემა ინფორმაციას უკრაინის დაზვერვაზე დაყრდონობით იუწყება. კერძოდ, ინფორმაცია მიიღეს უკრაინის დაზვერვასთან კავშირის მქონე წყაროზე დაყრდნობით.

წყაროს მიხედვით, რუსეთისგან მიღებული ინფორმაცია ირანს მისცემს ისრაელის ენერგოსისტემაზე მაღალი სიზუსტის სარაკეტო დარტყმების შესაძლებლობას.

გამოცემა წერს, რომ სამიზნე ობიექტები მათი სტრატეგიული მნიშვნელობის მიხედვით სამ კატეგორიად იყოფა: ელექტროენერგიის წარმოების კრიტიკულად მნიშვნელოვანი ობიექტები, რომელთა განადგურება ზიანს მიაყენებს ისრაელის ნაციონალურ ენერგოსისტემას, ისრაელის ცენტრალურ ნაწილში მდებარე ენერგოობიექტები, რომლებიც მსხვილ დასახლებულ პუნქტებს ემსახურებიან და ასვეა რეგიონული ქვესადგურები.

უკრაინული მხარის შეფასებით, რუსეთის მიერ ირანისთვის სადაზვერვო მონაცემების გადაცემის მიზანია, ის რომ გაიმყაროს კავშირი ირანთან დაახლო აღმოსავლეთში გამოიწვიოს ახალი კრიზისი, რათა უკრაინაში ომისგან საერთაშორისო საზოგადოების ყურადღება გადაიტანოს.

უკრაინის პრეზიდენტი ვოლოდიმირ ზელენსკი საუბრობს რუსეთ-ირანის ალიანსზე და აფრთხილებს ყველას, რომ უკრაინის ბრძოლის ველებზე რუსეთის მიერ მიღებული "ცოდნა" ახლო აღმოსავლეთში ექსპორტირდება. 

"რუსებმაც დაეხმარნენ მათ, ისევე როგორც ირანელებმა დაეხმარნენ [რუსეთს] ომის დასაწყისში, როდესაც მათ შაჰედები მისცეს, მათ დიდი ცოდნა მიიღეს ბრძოლის ველზე და ეს გავლენას ახდენს და გავლენას მოახდენს სხვა რეგიონებზე", - განაცხადა ზელენსკიმ Associated Press-ისთვის მიცემულ ინტერვიუში.

რუსულმა მხარემ კი უარყო, რომ მათი ქვეყანა ირანს სადაზვერვო მონაცემებს აწვდის.

ავტორი: ექსპრესნიუსი,

სოციალური ქსელები

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს

ახალგორის რაიონში გადაადგილების საშვების გაცემა განახლდა - DRI

Starbucks-ი ოფიციალურად შემოდის საქართველოს ბაზარზე

სოციალური სამართლიანობის ცენტრი: პატიმრების კვება საქართველოში სერიოზულ კითხვებს ბადებს