საქართველოში რიგით მეოთხე ქართულ-გერმანული სტრატეგიული ფორუმი იმართება. 

ფორუმში, რომელიც სასტუმრო „ქორთიარდ მარიოტში“ მიმდინარეობს, მონაწილეობას იღებენ საქართველოს და გერმანიის სამთავრობო და არასამთავრობო ორგანიზაციების წარმომადგენლები. 
ფორუმზე აქცენტი გაკეთდა შემდეგ საკითხებზე: ორმხრივი ურთიერთობის შეფასება, გამოწვევა ევროპული უსაფთხოებისათვის, საქართველო გეოპოლიტიკის, ეკონომიკის და საშინაო დინამიკის გადაკვეთაზე, გერმანულ-ქართული ეკონომიკური თანამშრომლობა: ღრმა და ყოვლისმომცველი თავისუფალი ვაჭრობის შესახებ შეთანხმების გამოწვევები და პერსპექტივები. 
როგორც პარლამენტის თავმჯდომარემ დავით უსუფაშვილმა ფორუმზე ჟურნალისტებს განუცხადა, ქართულ-გერმანული ურთერთობები სულ უფრო ინტენსიური ხდება.  
„გერმანელებსა და ქართველებს სულ უფრო უკეთ გვესმის ერთმანეთის. ჩვენ ბევრ საკითხში სტაბილური თანამშრომლობა გვაქვს, მაგრამ ბევრ საკითხში  ჯერ კიდევ გვესაჭიროება ევროპული  სტანდარტების გადმოღება გერმანიისაგან“, - განაცხადა დავით უსუფაშვილმა. 
აღნიშნული ფორუმი, რომელიც კონრად ადენაუერის სახელობის ფონდისა და საქართველოს ატლანტიკური საბჭოს თანამშრომლობით ტარდება, 12 მაისს დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი