როლანდ ბერიძემ, ქედაში განვითარებული სტიქიის და მეწყერის სალიკვიდაციო სამუშაოების შესახებ, სამუშაო შეხვედრა გამართა

2024-02-12 14:48:55, 871 ნახვა

რეგიონი

ქედის მუნიციპალიტეტის მერმა, როლანდ ბერიძემ, ქედაში განვითარებული სტიქიის და მეწყერის სალიკვიდაციო სამუშაოების შესახებ, სამუშაო შეხვედრა გამართა. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

ქედის მერიის ცნობით, შეხვედრას მერის პირველი მოადგილე იმედა ვასაძე, ჯანმრთელობისა და სოციალური დაცვის ხელმძღვანელი დავით თედორაძე, ქედის კომუნალურ სერვისის ხელმძღვანელი სილოვან ბერიძე და ადმინისტრაციული ერთეულების წარმომადგენლები ესწრებოდნენ.

"თათბირზე ისაუბრეს განვითარებული მეწყერის შედეგებზე. ამ დროისთვის, უკვე გახსნილია ცენტრალური საავტომობილო გზის 33 მიმართულება და შიდა-სასოფლო საუბნო გზების 35-მდე მიმართულება. გაწმენდითი სამუშაოები ინტენსიურ რეჟიმში მიმდინარეობს.

ასევე, მუშაობას აგრძელებს აჭარის გეოლოგიური სამსახურის ორი ჯგუფი და მუნიციპალიტეტის "სტიქიის შედეგად დაზარალებული მოსახლეობის შემსწავლელი" კომისია, რომელმაც 8 ადმინისტრაციული ერთეული უკვე შეისწავლა.

მუნიციპალიტეტის მერია და შესაბამისი სამსახურები, 24 საათიან რეჟიმში აგრძელებს სტიქიის შედეგად გამოწვეულ პრობლემებზე დროულ რეაგირებას", - აღნიშნულია ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),