დღევანდელი დიდგორი პანდემიასთან მოდის, რომელიც ემუქრება ჩვენს მოსახლეობას, დიდგორი დღესაც ჩვენი მოსაგებია, როგორც 900 წლის წინ, - ამის შესახებ საქართველოს პრეზიდენტმა, სალომე ზურაბიშვილმა ბრიფინგზე განაცხადა.

ზურაბიშვილის თქმით, აღნიშნული საკითხი ხდება ნიშნის მოგების, პოლიტიზირებისა და ერის დაპირისპირების საგანი, რაც სრულიად მიუღებელია.

„დღევანდელი დიდგორი ანდემიასთან მოდის, რომელიც ემუქრება ჩვენს მოსახლეობას, სახელმწიფოს და რომელმაც ჩვენი 6 278 მოქალაქე უკვე იმსხვერპლა, ნუთუ ეს, ამ მცირერიცხოვანი ერისთვის არ უდრის ბრძოლის ველზე დიდ დანაკარგს? დიდგორი დღესაც ჩვენი მოსაგებია, როგორც 900 წლის წინ, უნდა ვიყოთ წინდახედულნი, გამბედავნი და ერთად შეკრულნი.  სამწუხაროა, რომ ეს საკითხიც კი გახდა ნიშნის მოგების, პოლიტიზირების და ერის დაპირისპირების საგანი. სრულიად მიუღებელია, რომ გარედან კომფორტში მყოფი ვითომ პოლიტიკოსი ბედავს  და ცილს სწამებს, შეურაცხყოფას აყენებს მედიცინის სამყაროს იმ თავდადებულ პირებს, რომლებმაც გარდა იმისა, რომ საქართველოს მედიცინა საზღვარგარეთ ასახელეს, უკვე წელიწადნახევარზე მეტია, მუხლჩაუხრელად ემსახურებიან ხალხს და მათი სიცოცხლის გადარჩენას. დღეს ესენი არიან ჩვენი დიდგორისეული გმირები და დიდად პატივსაცემი, თავდადებული პიროვნებები. მათ უნდა ვუთხრათ მადლობა“, - განაცხადა პრეზიდენტმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი