ვაშინგტონში შეიარაღებული თავდასხმის შედეგად დაჭრილი ეროვნული გვარდიის წევრი სარა ბეკსტრომი საავადმყოფოში გარდაიცვალა. მისი გარდაცვალება 28 ნოემბერს დაადასტურა დასავლეთ ვირჯინიის შტატის ეროვნულმა გვარდიამ.

სარა ბეკსტრომი ეროვნულ გვარდიაში 2023 წლის ივნისიდან მსახურობდა.

დასავლეთ ვირჯინიის ეროვნულმა გვარდიამ და შტატის გუბერნატორმა პატრიკ მორისიმ სარა ბეკსტრომის ოჯახს, მეგობრებს და კოლეგებს სამძიმარი გამოუცხადეს.

20 წლის სარა ბეკსტრომის გარდაცვალების შესახებ განაცხადა პრეზიდენტმა დონალდ ტრამპაც და მას პატივსაცემი და შესანიშნავი ქალი უწოდა.

26 ნოემბერს ვაშინგტონის ცენტრში, თეთრი სახლის მახლობლად ეროვნული გვარდიის ორ წევრს ესროლა მამაკაცმა, რომელიც საპასუხო სროლის შედეგად დაჭრეს. ის დაკავებული და ჰოსპიტალიზებულია.

კლინიკაშია ეროვნული გვარდიის მეორე მძიმედ დაჭრილი წევრი 24 წლის ენდრიუ ვულფი.

ამერიკელი ოფიციალური პირების მიერ დადასტურებულია მანამდე მედიით გავრცელებული ინფორმაცია, რომ თავდამსხმელი ავღანელი მიგრანტია. რაჰმანულა ლაკანვალი ავღანეთიდან შეერთებულ შტატებში 2021 წელს ჩავიდა. დანაშაულის მოტივი ჯერჯერობით უცნობია.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა