პაატა ბურჭულაძის ადვოკატი ლევან ყველაშვილი ამბობს, რომ მტკიცებულებების გადაცემამდე პაატა ბურჭულაძე დუმილის უფლებას იყენებს.

ადვოკატმა პაატა ბურჭულაძე დღეს იზოლატორში მოინახულა. მისი თქმით, სავარაუდოდ, აღკვეთის ღონისძიების შეფარდებაზე სასამართლო დღესვე იმსჯელებს.

"სამი მუხლით არის ბრალდება წარდგენილი, თუმცა ბრალდების ოქმს კიდევ უფრო მეტად სიღრმისეულად შესწავლა სჭირდება, მათ შორის იმის გამო, რომ მტკიცებულებები ჯერჯერობით არ გადმოგვცემია. როგორც გამომძიებლისგან გავიგეთ, დღეს იქნება მტკიცებულებების გადმოცემის ნაწილიც და შესაძლოა, სავარაუდოდ, დღესვე ჩაინიშნება აღკვეთის ღონისძიებაც. პოზიციას რაც შეეხება, ჯერჯერობით დუმილის უფლებას იყენებს [პაატა ბურჭულაძე], დანარჩენს უკვე მას შემდეგ გეტყვით და თვითონაც პოზიციას შეაჯერებს, როდესაც უკვე მტკიცებულებები გადმოგვეცემა', - ამბობს ადვოკატი. 

"ეროვნული კრების" წევრებს პაატა ბურჭულაძეს, მურთაზ ზოდელავას, ლაშა ბერიძეს, პაატა მანჯგალაძეს და ირაკლი ნადირაძეს ბრალდება წარუდგინეს. მათ 9-წლამდე პატიმრობა ემუქრებათ.

აქციის ორგანიზატორები 4 ოქტომბერს ღამით დააკავეს.

ავტორი: ექსპრესნიუსი,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია