სახალხო დამცველმა უჩა ნანუაშვილმა ყველაზე მეტი რეკომენდაციით საქართველოს  მთავარ პროკურატურას, შინაგან საქმეთა  და სასჯელაღსრულების სამინისტროებს მიმართა.
ნანუაშვილმა  2014 წელს გაცემული რეკომენდაციებისა და წინადადებების შესრულების შესახებ ჩატარებული კვლევა  წარმოადგინა.
ანგარიში მოიცავს საქართველოს სახალხო დამცველის მიერ სხვადასხვა უწყებებისთვის გაგზავნილი რეკომენდაციის და წინადადების შესრულების ხარისხობრივი კოეფიციენტის მაჩვენებლებს.
სახალხო დამცველმა სხვადასხვა უწყებებს ცენტრალური და ადგილობრივი ხელისუფლების ორგანოებს, ასევე თანამდებობის პირებს 154 რეკომენდაცია და წინადადება გაუგზავნა, რომელთაგან მხოლოდ 35 შესრულდა. ნაწილობრივ შესრულდა 22, არ შესრულდა 47 და პასუხი 28 რეკომენდაციაზე პასუხი  არ მოსულა.
გასულ წელს ყველაზე მეტი რეკომენდაცია საქართველოს მთავარ პროკურორს გაეგზავნა, ამათგან 8 არ შესრულდებულა 9-ზე პასუხი არ გაუციათ .
 მთავარი პროკურორის მიმართ გაცემული რეკომენდაციის აბსოლუტური უმრავლესობა, რაზეც სახალხო დამცველს პასუხი არ მიუღია, არასათანადო მოპყრობას, თავისუფლების უკანონო აღკვეთას  და სამართალდამცავი პირების ქმედება იყო.
ომბუდსმენის კვლევის თანახმად, რეკომენდაცია-წინადადების შესრულების ეფექტურობის მიხედვით ასე გადანაწილდა: სრული შედეგი დადგა 15 შემთხვევაში, 82 შედეგი არ გაითვალისწინეს, 18 შემთხვევაში სახალხო დამცველმა მიიღო შესრულების შესახებ დაპირება , 4 საქმე სასამართლოშია და 12 შემთხვევაში მოხდა დარღვეული უფლებების აღდგენაზე დაპირება.
ომბუდსმენმა ორი   რეკომენდაცია საქართველოს პრეზიდენტს გიორგი მარგველაშვილს მიმართა, რომელთაგან  არცერთი არ შესრულებულა.
ომბუდსმენმა საქართველოს მთავრობას 10 რეკომენდაციით მიმართა და აქედან  5 რეკომანდაცია შესრულდა.
მთავარ პროკურატურაზე გაცემული 40 რეკომენდაციიდან , 8 არ შესრულებულა.
სასჯელაღსრულებისა და პრობაციის სამისტროზე გაცემული 16 რეკომანდაციიდან 4 არ შესრულებულა.
ასევე, შინაგან საქმეთა სამინისტროზე გაიცა 10 რეკომანდაცია, ათიდან არცერთი არ შესრულებულა.
ომბუდსმენმა რეკომანდაციების გათვალისწინების ლიდერად   შრომის, ჯანმრთელობის და სოციალური დაცვის სამინისტრო დაასახელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს