მოკლული მასწავლებლის, გიგა ავალიანის საქმეზე დაკავებულ სამ მოზარდს ბრალი დაუმძიმეს - ამის შესახებ ინფორმაციას ერთ-ერთი დაკავებულის, 17 წლის დემეტრე ჩიქოვანის დედა ავრცელებს. დამძიმებული ბრალი, რომელიც განზრახ მძიმე დაზიანების მომზადებას გულისხმობს, დაკავებულებს გუშინ წაუყენეს. პროკურატურას ინფორმაცია არ გაუვრცელებია. სასამართლოები დახურული იქნება - არასრულწლოვანი ბრალდებულების გამო.

აქედან გამომდინარე, ჟურნალისტებსაც უმცირდებათ საქმის მასალებზე წვდომა. თავად ჩიქოვანის გვარი, მისი მშობლის თანხმობით გაჟღერდა. (აქვე: ჩიქოვანს 9-დან 13 წლამდე პატიმრობა ემუქრება)

 გარდა ამისა, ჩიქოვანის დედა სოფო ძნელაძე შაბათიდან შიმშილობის დაწყებას აანონსებს.

"გიგა ავალიანის დედა სამართალს ეძებს და როგორც კი ჩათვლის, რომ იპოვა, ის გაჩუმდება... [2025 წლის] 20 ოქტომბერს, როცა დემეტრე დააკავეს, იმ ოჯახს ჰქონდა აქცია დაანონსებული... ჩემი შვილი გადაუგდეს „ბარტყად“, რომ მის დედას აეღო განზრახვაზე ხელი და შიმშილობა არ დაეწყო. მე ჩემი შვილის სიმართლეს შევაკვდები და დავანახებ პროკურატურას, რომ მართალი ბიჭის დედასაც შეუძლია სიკვდილი. ჩემს შვილს არ კლავენ? მე მზად ვარ, რომ ჩემი სიცოცხლე მივიტანო და დავდო პროკურატურასთან. თავს დავიწვავ, პატიმრობა რომ მიუსაჯონ" - აცხადებს სოფო ძნელაძე

საგულისხმოა რომ ბრალის დამძიმება მოკლული მასწავლებლის ახლობლების ერთ-ერთი მოთხოვნა იყო, რაც ფაქტობრივად დაკმაყოფილდა. კიდევ ერთი მოთხოვნა იყო გენპროკურორის გადადგომა (თუკი უწყება ნაბიჯებს არ გადადგამდა) და დედის, ეკა კუპატაძის ანონსი პროკურატურის წინ შიმშილობის დაწყებაზე.

ავტორი: ექსპრესნიუსი,

სოციალური ქსელები

Z-ბლოგერებმა გაავრცელეს ინფორმაცია მოსკოვში გამარჯვების დღის აღლუმის შესაძლო გაუქმების შესახებ ახალი უკრაინული რაკეტების გამო

კობახიძე: მივესალმებით აშშ-სა და ირანს შორის ცეცხლის შეწყვეტის შეთანხმებას

რას ამბობს სტრასბურგის სასამართლო აფგან სადიგოვის საქართველოდან გაძევებაზე

გიგა ავალიანის მკვლელობისთვის 2 არასრულწლოვანს 10.6 წლით, 1-ს 6.9 წლით პატიმრობა მიუსაჯეს