„მინდა ცალსახად ვთქვა, რომ რეცეპტი იმ გამოწვევებზე, რომელიც ჩვენ გვაქვს, ეს  არის მეტი ინვესტიცია, მეტი ექსპორტი და მეტი ტურისტი“,-ამის შესახებ საქართველოს ეროვნული ბანკის პრეზიდენტმა გიორგი ქადაგიძემ განაცხადა.
მისი თქმით, ეროვნული ბანკის ამოცანაა, ლარის გაუფასურების შედეგად ფასების საერთო დონის ზრდა არ დაუშვას.
„ეროვნული ბანკის ამოცანაა, ერთის მხრივ არ დავუშვათ ლარის გაუფასურების შედეგად ფასების საერთო დონის ზრდა  და მეორეს მხრივ, უზრუნველვყოთ ფინანსური სტაბილურობა. ორივე ეს ამოცანა იქნება უზრუნველყოფილი და ასევე ჩვენ ყველაფერს გავაკეთებთ იმისთვის, რომ შევამციროთ გაუფასურების ნეგატიური გავლენა ეკონომიკაზე. ამავე დროს მინდა ცალსახად ვთქვა, რომ რეცეპტი იმ გამოწვევებზე, რომელიც ჩვენ გვაქვს, არის ერთადერთი – მეტი ინვესტიცია, მეტი ექსპორტი და მეტი ტურისტი. ის გამოწვევები რაგამოწვევების ინაშეც ვდგავართ არ არის მარტივი და საჭიროებს, როგორც გრძელვადიან ასევე საშუალო და მოკლე ვადიან აქტიურ ქმედებებს“,-განაცხადა გირგი ქადაგიძემ.
შეგახსენებთ, რომ დღეს საქართველოს ეროვნული ბანკის მონეტარული პოლიტიკის კომიტეტმა 2015 წლის 11 თებერვალს მიიღო გადაწყვეტილება რეფინანსირების განაკვეთის 50 საბაზისო პუნქტით გაზრდის შესახებ. მონეტარული პოლიტიკის განაკვეთი 4.5 პროცენტს შეადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ