უელსის პრინცი, ჩარლზი რუმინეთში ჩავიდა უკრაინელი ლტოლვილების მხარდასაჭერად და უშუალოდ ენახა, თუ რა სახის დახმარებას იღებენ ისინი, - ამის შესახებ, BBC იუწყება.

უკრაინაში რუსეთის შემოჭრის დაწყების შემდეგ, პირველად ეწვია ბრიტანეთის სამეფო ოჯახის ასეთი მაღალი რანგის წარმომადგენელი რეგიონს - ბუქარესტი უკრაინის საზღვრიდან მხოლოდ 200 კმ-ით არის დაშორებული.

პრინცი ჩარლზი ეწვია ლტოლვილთა ცენტრს ბუქარესტის მახლობლად, სადაც მუდმივად ჩადიან ომიდან გაქცეული უკრაინელები. მან მკაცრად დაგმო ომი და უწოდა მას რუსეთის "სასტიკი აგრესია" უკრაინის წინააღმდეგ. პრინც ჩარლზს ასევე დიდი ხნის კავშირი აქვს რუმინეთთან - მას აქ აქვს საქველმოქმედო ფონდი.

ჰუმანიტარული ორგანიზაციების მუშაკები აღნიშნავენ მასობრივი მიგრაციის მასშტაბებს - უკრაინიდან ყოველდღიურად ათასობით ადამიანი ჩადის რუმინეთში.

სამ თვეში ექვს მილიონზე მეტმა ადამიანმა დატოვა უკრაინა.

ავტორი: ექსპრესნიუსი,

სოციალური ქსელები

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა

CNN: ჩინეთი ირანისთვის საჰაერო თავდაცვის სისტემების მიწოდებას უახლოეს კვირებში გეგმავს

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ