სოფლის მეურნეობის მინისტრის, ოთარ დანელიას განცხადებით, მთავრობის მიზანია, რომ არცერთი კოლოგრამი ყურძენი ჩაუბარებელი არ დარჩეს და გლეხებმა არ იზარალონ.

ამის შესახებ დანელიამ მთავრობის სხდომაზე განაცხადა. მისი თქმით, რთველის საკოორდინაციო შტაბი მუშაობის დასაწყებად მზადაა.

„დღეს იგეგმება შტაბის ოფიციალურად გახსნა, ჩვენი გუნდი უკვე იქაა რამდენიმე დღეა. შტაბი პრაქტიკულად ჩამოყალიბებული და მობილიზებულია. მიუხედავად იმისა, რა ხდება რეგიონში, ჩვენ შევისწავლეთ, რომ მოთხოვნა ღვინოზე იყო მნიშვნელოვნად შემცირებული. ჩვენ არ ვგეგმავდით სუბსიდირებას, მაგრამ ვხედავთ, რომ  წელს ამის აუცილებლობა დგას და დარგს კიდევ სჭირდება წახალისება. შესაბამისად, დავტოვეთ ძველი ნიშნულები და თეთრი ყურძნის შემთხვევაში არის 35 თეთრი სუბსიდირება, შავი ყურძნის შემთხვევაში არის 15 თეთრი. ძალიან მნიშვნელოვანია, რომ ფასს დაარეგულირებს ბაზარი და კერძო სექტორი, რათა კონკურენტუნარიანი იყოს დარგი და არ შეექმნას პრობლემები არცერთ მხარეს. წელსაც ჩვენი მიზანია, რომ არცერთი კოლოგრამი ყურძენი ჩაუბარებელი არ დარჩეს. ეს არის ჩვენი მიზანი, რომ არ იზარალონ გლეხებმა“, – განაცხადა ოთარ დანელიამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შეერთებულმა შტატებმა ირანის სრული საზღვაო ბლოკადის დაწესების შესახებ განაცხადა

მარნეულში მატარებელი ცხვრის ფარას შეეჯახა, მწყემსი დაჯარიმდა

სასკოლო ფორმების დიზაინი ცნობილია

ახალგორის რაიონში გახშირდა ჩხრეკები და მობილური ტელეფონების ჩამორთმევის ფაქტები - DRI