უკრაინის შეიარაღებული ძალების მთავარსარდლის, ალექსანდრ სირსკის განცხადებით, კურსკის ოპერაციამ, რომელიც 9 თვეა გრძელდება, მიზნების უმეტესობას მიაღწია და უკრაინის შეიარაღებული ძალების მიერ შექმნილი ბუფერული ზონა კვლავ აქტუალურია.

„ამ (კურსკის) ოპერაციამ, რომელიც უკვე ცხრა თვე გრძელდება, თავისი მიზნების უმეტესობას მიაღწია. კურსკის ოლქში ჩვენი აქტიური მოქმედებების წყალობით, ჩვენ შევძელით მტრის შეტევითი კამპანიის თავიდან აცილება სუმისა და ხარკოვის ოლქებში. უკრაინის თავდაცვის ძალების მიერ სასაზღვრო რაიონებში შექმნილი ბუფერული ზონა დღესაც აქტუალურია“, - წერს სირსკი სოციალურ ქსელში.

მისი თქმით, რიცხობრივად უპირატესი მტრის დამარცხება მხოლოდ არასტანდარტული სვლებითაა შესაძლებელი.

„კურსკის ოპერაცია ზუსტად ასეთი აღმოჩნდა. ეს მტრისთვის სიურპრიზი იყო. უკრაინამ აჩვენა, რომ შეუძლია კონტრშეტევა, მტრის დამარცხება და განდევნა, მათ შორის საკუთარ ტერიტორიაზე“, - განაცხადა სირსკიმ.

მისი თქმით, ეს შესაძლებელი გახდა კონკრეტული სამხედრო ქვედანაყოფებისა და კონკრეტული ჯარისკაცების დამსახურებით.

ავტორი: ექსპრესნიუსი,

სოციალური ქსელები

Z-ბლოგერებმა გაავრცელეს ინფორმაცია მოსკოვში გამარჯვების დღის აღლუმის შესაძლო გაუქმების შესახებ ახალი უკრაინული რაკეტების გამო

კობახიძე: მივესალმებით აშშ-სა და ირანს შორის ცეცხლის შეწყვეტის შეთანხმებას

რას ამბობს სტრასბურგის სასამართლო აფგან სადიგოვის საქართველოდან გაძევებაზე

გიგა ავალიანის მკვლელობისთვის 2 არასრულწლოვანს 10.6 წლით, 1-ს 6.9 წლით პატიმრობა მიუსაჯეს