რუსეთის ფედერაციის სასამართლომ "ქართული ლეგიონი" ტერორისტულ ორგანიზაციად ცნო და ტერორისტული ორგანიზაციების სიაში შეიყვანა. ამის შესახებ ინფორმაციას რუსული სამთავრობო-პროპაგანდისტული მედია TASS უშიშროების ფედერალური სამსახურის (FSB) საზოგადოებასთან ურთიერთობის ცენტრზე დაყრდნობით ავრცელებს.

FSB-ის ცნობით, ლეგიონის საქმიანობა რუსეთის ტერიტორიაზე აკრძალულია.

"FSB-ის მიერ შეგროვებული მტკიცებულებების საფუძველზე, სამხრეთის რაიონულმა სამხედრო სასამართლომ ტერორისტულ ორგანიზაციად ცნო გასამხედროებული ფორმირება "ქართული ეროვნული ლეგიონი". ამ გადაწყვეტილების და "ტერორიზმის წინააღმდეგ ბრძოლის შესახებ" ფედერალური კანონის შესაბამისად, ფორმირება შეტანილი იქნა, რუსეთის ფედერაციის კანონმდებლობის შესაბამისად, ტერორისტულ ორგანიზაციებად აღიარებული ორგანიზაციების ერთიან ფედერალურ სიაში. მისი საქმიანობა რუსეთის ტერიტორიაზე აკრძალულია“,- ნათქვამია FSB-ის განცხადებაში.

ავტორი: ექსპრესნიუსი,

სოციალური ქსელები

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა