ლატვია საოკუპაციო ზოლთან სადემარკაციო ნიშნების აღმართვის გამო შეშფოთებას გამოთქვამს

2015-07-17 11:29:20, 1036 ნახვა

მსოფლიო

ლატვიის საგარეო საქმეთა სამინისტრო საქართველოში საოკუპაციო ზოლთან სეპარატისტული სამხრეთ ოსეთის ადმინისტრაციულ საზღვართან ახლოს სადემარკაციო ნიშნების აღმართვის გამო შეშფოთებას გამოთქვამს.

სამინისტროს შეფასებით, ასეთი ნაბიჯები პროვოკაციულ ხასიათს ატარებს, ნეგატიური გავლენას აქვს რეგიონში უსაფრთხოების კუთხით, კონფლიქტის გადაწყვეტას უფრო რთულს ხდის, ასევე ხელს უშლის ადგილობრივებს თავისუფალ გადაადგილებაში.

ლატვიის საგარეო საქმეთა სამინისტრო მიიჩნევს, რომ ყველა მხარემ პროვოკაციული ქმედებებისგან თავი უნდა შეიკავოს და მოუწოდებს რუსეთს, შეასრულოს საერთაშორისო ვალდებულებები.

ლატვია მხარს უჭერს საქართველოს სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში და მიიჩნევს, რომ კონფლიქტის გრძელვადიანი გადაჭრის მიზნით ჟენევის ფორმატი უნდა გაგრძელდეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან