თერჯოლაში 2 წელიწადში ცემენტისა და  ხელოვნური ქვის საწარმო ამუშავდება, - ამის შესახებ „ექსპრესნიუსს“ ეკონომიკისა და მდგრადი განვითარების სამინისტროდან აცნობეს.

უწყების ინფორმაციით, პროგრამის  „აწარმოე საქართველოში“ ფარგლებში სახელმწიფო საკუთრებაში არსებული უძრავი ქონება სიმბოლურ ფასად კიდევ ერთ საწარმოს გადაეცა -   საქართველოს მთავრობის გადაწყვეტილებით, შპს „საქმილსადენმშენმა“ სიმბოლურ ფასად, 1 ლარად საკუთრებაში მიიღო თერჯოლის მუნიციპალიტეტში, სოფელ კვახჭირში მდებარე 16 819.00 კვ.მ არასასოფლო-სამეურნეო დანიშნულების მიწის ნაკვეთი, რომლის  საბაზრო ღირებულებაც 84 100 ლარია. სანაცვლოდ კომპანია ააშენებს ცემენტის ან ხელოვნური ქვის ნაწარმის საწარმოს და  პროდუქციის გამოშვებას არაუმეტეს 2  წლის ვადაში.

კომპანიის წარმომადგენლების განცხადებით, საწარმოს შესაქმნელად 336 400 ლარის ინვესტიციის  განხორციელება და 25 ადამიანის დასაქმება იგეგმება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი