დედაქალაქში ხმაური კანონმდებლობით დარეგულირდება. თბილისის მუნიციპალიტეტის საკრებულოს იურიდიულ საკითხთა კომისიამ "ადმინისტრაცულ სამართალდარღვევათა კოდექსში ცვლილებებისა და დამატებების შეტანის შესახებ" კანონპროექტი შეიმუშავა, რომლის თანახამადაც, ხმაურის დადგენილი ნორმების დარღვევაზე ადმინისტრაციული სასჯელი იქნება.

როგორც აღნიშნული კომისიის თავმჯდომარე თედო კობახიძემ საკრებულოში გამართულ ბრიფინგზე განაცხადა, კანონპროექტის თანახმად, უფლებამოსილი ადმინისტრაციული ორგანო იქნება საქართველოს შინაგან საქმეთა სამინისტროს შესაბამისი ორგანო, რომელიც მოახდენს კანონშესაბამის რეაგირებას და  ადმინისტრაციული სამართლადარღვევის ჩამდენს ადმინისტრაცული პასუხისმგებლობის ზომას შეუფარდებს.

მისივე ინფორმაციით, საპატრულო პოლიცია ხმაურზომებით იქნება აღჭურვილი, რომელიც დეციბელებს გაზომავს. კანონონპროქტით, თუკი დილის 7:00 საათიდან,  საღამოს 11:00 საათამდე ხმაურის ზომა 40 დეციბელს გადასცდება,  ფიზიკური პირი 150 ლარით, იურიდიული პირი კი, 500 ლარით დაჯარიმდება. ხოლო საღამოს 11:00 სათიდან,  დილის 7:00 საათამდე, თუ 30 დეციბელზე იქნება გადაცდენა,  ფიზიკური პირი  ამ შემთხვევაში 300 ლარით, იურიდიული პირი კი, 1000 ლარით დაჯარიმდება. განმეორების შემთხვევაში,  ჯარიმები გაორმაგდება.

თბილისის საკრებულო კანონპროექტს დასამტკიცებლად დღეს პარლამენტს გადაუგზავნის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს