„2014 წელს საქართველოს 5 493 492 საერთაშორისო მოგზაური ეწვია, რაც  1,9%-ით აღემატება  2013 წლის ანალოგიური პერიოდის მონაცემს“, - ამის შესახებ ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ დღეს გამართულ პრესკონფერენციაზე განაცხადა.

როგორც ჩოგოვაძემ აღნიშნა, საქართველოს  წინა წლებთან შედარებით  2014 წელს რეკორდული რაოდენობის ტურისტი ეწვია, რადგან  საერთაშორისო მოგზაურთა რაოდენობიდან 2 218 050  ტურისტია  და  მათი მატება წინა წლის ანალოგიურ მაჩვენებელთან შედარებით 7,4%-ია. 

მისივე განმარტებით,  2014 წლის მონაცემებით, საქართველოში შემოსული საერთაშორისო მოგზაურების რაოდენობით კვლავ მეზობელი ქვეყნები ლიდერობენ, ასევე, დადებითი ტენდენცია ნარჩუნდება ევროკავშირის ქვეყნებიდან საერთაშორისო მოგზაურების შემოდინების კუთხით. 
2014 წლის მონაცემებით,  კვლავ ტრადიციულად გამოირჩნენ:  ლიტვა (93%-იანი მატება), პოლონეთი (25%-იანი მატება), ლატვია (+25%-იანი მატება), დიდი ბრიტანეთი (+11%-იანი მატება), შუა აზიის ქვეყნებიდან – ყაზახეთი(34% -იანი მატებით), ხოლო აღმოსავლეთ ევროპის ქვეყნებიდან კი – ბელორუსიის მოქალაქეები 48%-იანი მატებით. 

ამასთან, ჩოგოვაძის ინფორმაციით, 2014 წლის დეკემბერის თვეში საქართველოს 433 660 საერთაშორისო მოგზაური ეწვია, რაც 2013 წლის დეკემბერის მაჩვენებელს 10,5%-ით აღემატება.  2014 წლის დეკემბერშიც  ყველაზე მეტი საერთაშორისო მოგზაური კვლავ თურქეთიდან (+2,1%), აზერბაიჯანიდან (+17,2%), სომხეთიდან (+18,8%), რუსეთიდან (+8%) შემოვიდა. 

2014 წლის პირველი სამი კვარტლის მონაცემებით, შემოსავლებმა საერთაშორისო ტურიზმიდან 1,4 მილიარდი აშშ დოლარი შეადგინა, რაც გასული წლის ანალოგიურ მაჩვენებელს  (1,3 მილიარდი აშშ დოლარი ) 5%-ით (61 მილიონი აშშ დოლარი) აღემატება.

ტურიზმის ეროვნული ადმინისტრაციის ხელმძღვანელის თქმით, საქართველოში საერთაშორისო მოგზაურების რაოდენობის გასაზრდელად აქტივობები გაგრძელდება.

"საქართველოში საერთაშორისო მოგზაურების რაოდენობის გასაზრდელად აქტივობები გაგრძელდება, მათ შორის, ტურიზმის მცირე ინფრასტრუქტურის განვითარება, საქართველოს ცნობადობის ამაღლება, მარკეტინგული აქტივობების იმპლემენტაცია როგორც საერთაშორისო, ისე შიდა ბაზრებზე, ტურისტული პროდუქტების განვითარება და სერვისის ხარისხის გაუმჯობესების მიზნით ტრენინგების უზრუნველყოფა. 2015 წელს საქართველოში დაგეგმილია რამდენიმე საერთაშორისო ღონისძიების ჩატარება, მათ შორის:  ევროპის ახალგაზრდული ოლიმპიადის და უეფას სუპერთასისი მატჩი, რაც საქართველოს, როგორც ტურიუსტული დანიშნულების ადგილის ცნობადობას კიდევ უფრო აამაღლებს", - განაცხადა ჩოგოვაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება