2026-01-19 10:54:01, 455 ნახვა
პოლიტიკა
ლაიენი: ევროპული სოლიდარობის წინაშე არსებულ გამოწვევებს მტკიცედ და ძლიერად შევხვდებით
ევროკომისიის პრეზიდენტი ურსულა ფონ დერ ლაიენი აცხადებს, რომ გრენლანდიის საკითხზე NATO-ს გენერალურ მდივანთან, საფრანგეთის პრეზიდენტთან, დიდი ბრიტანეთისა და იტალიის პრემიერებთან, ასევე, გერმანიის კანცლერთან ისაუბრა.
საუბრის შემდეგ მან X-ზე დაწერა, რომ ყოველთვის დაიცავენ ეკონომიკურ და უსაფრთხოების ინტერესებს.
"მტკიცედ ვდგავართ ერთად გრენლანდიისა და დანიის სამეფოს სუვერენიტეტის დაცვის ვალდებულების შესასრულებლად. ყოველთვის დავიცავთ სტრატეგიულ ეკონომიკურს და უსაფრთხოების ინტერესებს. ჩვენი ევროპული სოლიდარობის წინაშე არსებულ ამ გამოწვევებს მტკიცედ და ძლიერად შევხვდებით", - დაწერა მან.
ავტორი: ექსპრესნიუსი,
epn.ge (@expressnews.ge)
