ამერიკის შეერთებული შტატები ევროპის ექვს ქვეყანაში დროებით სამხედრო ტექნიკას განათავსებს.

"დოიჩე ველეს" ცნობით, ცენტრალურ და აღმოსავლეთ ევროპის ქვეყნებში აშშ-ის მიერ 250-მდე ტანკის, ჯავშანტრანსპორტიორებისა და სხვა სამხედრო ტექნიკის განლაგების შესახებ განცხადება პენტაგონის ხელმძღვანელმა ეშტონ კარტერმა ტალინში ყოფნისას გააკეთა.

ტექნიკა ესტონეთში, ლატვიაში, ლიტვაში, პოლონეთში, ბულგარეთში და რუმინეთში განთავსდება.

კარტერის თქმით, ეს ნაბიჯი ნატოს დაეხმარება, რეგიონში ნებისმიერი სამხედრო კრიზისის დროს სწრაფად რეაგირებაში.

როგორც გამოცემა აღნიშნავს, აშშ-ის გეგმებმა უკვე გამოიწვია რუსეთის ფედერაციის გაღიზიანება.

პენტაგონის ხელმძღვანელის მიერ ამ ინიციატივის გაჟღერებამდე ფედერაციის თავდაცვის მინისტრმა განაცხადა, რომ რუსეთის საზღვარზე სამხედრო ტექნიკის განლაგება ცივი ომის შემდეგ აშშ-ის მხრიდან გადადგმული ყველაზე აგრესიული ნაბიჯი იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იობი: ღმერთმა ინებოს, მომავალი პატრიარქის და მეფის ღვაწლით, გამოვიდეთ ამ ჭაობიდან

მერია: 12 აპრილს მეტრო 04:00 საათამდე იმუშავებს, 23:00 საათიდან მგზავრობა უფასო იქნება

პოლონეთში 5 თვის ბავშვი, სავარაუდოდ, ცემის შედეგად დაიღუპა - დააკავეს ქართველი დედა, ეძებენ მამას

POLITICO: ტრამპმა რუტეს დახურულ შეხვედრაზე შეურაცხყოფა მიაყენა, მიანიშნა შურისძიების ვარიანტებზე