ვაზიანის სასწავლო პოლიგონზე ნატოს სტანდარტების ნაღმმტყორცნელთა საველე წვრთნები დასრულდა.

თავდაცვის სამინისტროს ინფორმაციით, წვრთნების დასკვნით ფაზას გენერალური შტაბის უფროსი, გენერალ-მაიორი ვახტანგ კაპანაძე დაესწრო. მან ნაღმმტყორცნელებს სწავლების ჩატარებაში მაღალი შეფასება მისცა და წარჩინებული სამხედრო მოსამსახურეები სიგელებით დააჯილდოვა.

სამხელეთო ჯარების აღმოსავლეთ სარდლობის მიერ ორგანიზებული საველე წვრთნები სამხედრო მოსამსახურეების მუდმივ საბრძოლო მზადყოფნას ისახავდა მიზნად.

წვრთნებში აღმოსავლეთ სარდლობის დაქვემდებარებაში მყოფი ბრიგადების ნაღმმტყორცნელთა ქვედანაყოფები მონაწილეობდნენ. სამხედრო მოსამსახურეებს თეორიული და პრაქტიკული წვრთნები ჩაუტარდათ. სწავლების დასკვნით ნაწილში საბრძოლო სროლები გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა