შუახევის რაიონის სოფელ კლდისუბანში შსს-ს საგანგებო სიტუაციების მართვის სააგენტოს  აჭარის ა/რ საგანგებო სიტუაციების მართვის მთავარმა სამმართველომ იმიტირებული სამაშველო ოპერაცია ჩაატარა. ღონისძიება საერთაშორისო არასამთავრობო ორგანიზაციასთან  „ოქსფამი“ პარტნიორობით განხორციელდა.

უწყების ინფორმაციით, პროექტის „თემების მდგრადობის ხელშეწყობა სამხრეთ კავკასიაში“ ფარგლებში ქედის, შუახევისა და ხულოს  მუნიციპალიტეტში ასოციაცია „შავი ზღვის ეკო აკადემიასა“ და საერთაშორისო ორგანიზაცია „ოქსფამთან“ პარტნიორობით, მოხალისე-მაშველთა ჯგუფების თეორიული და პრაქტიკული სწავლება განხორციელდა. 15 ივლისს  პროექტის შემაჯამებელი იმიტირებული სამაშველო ოპერაციის დემონსტრირება მოხდა.

ნაჩვენები იყო მდინარე აჭარისწყალის მარცხენა სანაპიროზე ჩამოწოლილი მეწყერის შედეგად, მდინარის კალაპოტში ჩავარდნილი ავტომობილიდან 2 მგზავრის ამოყვანა. ამ სამაშველო ოპერაციაში, აჭარის საგანგებო სიტუაციების მართვის მთავარი სამმართველოს მეხანძრე-მაშველებთან ერთად, ადგილობრივი მოხალისე-მაშველებიც იყვნენ ჩართულები.

აღნიშნული ღონისძიების მიზანია, დაინტერესებული მხარეებისთვის გამოცდილების გაზიარება  კატასტროფების რისკების შემცირების სფეროში, საგანგებო სიტუაციების დროს მოსახლეობის მზადყოფნისა და ინციდენტზე კოორდინირებული რეაგირების  უნარ-ჩვევების გამოვლენა.

ღონისძიებას, კატასტროფების რისკების შემცირების სფეროში ჩართული, სომხეთიდან ჩამოსული წარმომადგენლებიც ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი