სასულიერო პირებმა და მრევლმა არასამთავრობო ორგანიზაცია  „საერთაშორისო გამჭვირვალობა– საქარველოს“  ოფისის წინ საპროტესტო აქცია გამართეს.

აქციის მონაწილეებმა  პრემიერ–მინისტრ ირაკლი ღარიბაშვილს მიმართეს, საქართველოში უცხო ქვეყნების მიერ დაფინანსებული არასამთავრობო ორგანიზაციების საქმიანობა აიკრძალოს.

როგორც ჟურნალისტებთან საუბრისას მართლადიდებელთა კავშირის თანათავჯდომარე  ავთანდილ გუნთიაძე აცხადებს, უცხო ქვეყნების მიერ დაფინანსებული არასამთავრობოები ანტისახელმწიფოებრივ საქმიანობას ეწევიან და გარყვნილების დასაკანონებლად იბრძვიან.

 „ჩვენი მოსვლის მიზეზია, რიგით არასამთავრობო ორგანიზაციების საქმიანობის  გაპროტესტება, რომლებიც უცხო ქვეყნების მიერ ფინანსდებიან. ეს არასამთავრობოები საქართველოში გარყვნილების დასაკანონებლად იღწვიან.  ჩვენ ვითხოვთ, რომ მათი საქმიანობა შეიზღუდოს. ეს არასამთავრობოები გამოხატავენ თავიანთი დამკვეთების აზრს, ისინი უცხო ქვეყნის აგენტები არიან, პირდაპირ ებრძვიან ეკლესიას.  ესენი არიან ცნობილი არასამთავრობო ორგანიზაიცები, რომლებიც თუნდაც იდენტობასთან ერთად ვიღაცეების უფლებების დაცვას ხელს აწერენ“, – აღნიშნა გუნთიაძემ.

საპროტესტო აქციის მონაწილე სასულიერო პირებმა ლოცვა წაიკითხეს. ადგილზე მობილიზებული იყო საპატრულო პოლიცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო