"ყველაფერი უნდა გავაკეთოთ იმისათვის, რომ ევროპას ვაჩვენოთ-ევროპაზე ადრე საქართველოს ჰქონდა მაღალი კულტურა",-ამის შესახებ სრულიად საქართველოს კათოლიკოს-პატრიარქმა ილია მეორემ დღევანდელი საკვირაო ქადაგებისას ბრძანა.

პატრიარქის აზრით, ევროპის სტრუქტურები საჭიროა, თუმცა საქართველომ საკუთარი ისტორიული, კულტურული, სულიერი, მეცნიერული ფასეულობა არ უნდა დაკარგოს.

"მინდა კიდევ ერთხელ შეგახსენოთ, რომ ევროპის სტრუქტურები საჭიროა,  მაგრამ ამავე დროს, ჩვენ არ უნდა დავკარგოთ ჩვენი ფასეულობა, ჩვენი ქართული, ისტორიული,  კულტურული, სულიერი, მეცნიერული ფასეულობა და ყველაფერი უნდა გავაკეთოთ იმისათვის, რომ ევროპას ვაჩვენოთ,  ევროპაზე ადრე საქართველოს ჰქონდა მაღალი კულტურა",-ბრძანა უწმინდესმა.

მანვე საბერძნეთში შექმნილ ვითარებაზეც ისაუბრა და ბერძენ ხალხს  მშვიდობა უსურვა.

 "ჩვენ ვუსურვებთ ბერძენ ხალხს, რომ მშვიდობამ დაისადგუროს მათ გულში,  მათ ქვეყანაში, მითუმეტეს,  როცა ჩვენ გვიჭირდა,  მრავალი ქართველი ადამიანი წავიდა საბერძნეთში და იქიდან ეხმარებოდა  საქართველოს, თავის ოჯახებს",-ბრძანა უწმინდესმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ

გვარამია:ავტორიტარმა უნდა მიიღოს რისიც ეშინია, ამიტომ, 26 მაისს ყველანი რუსთაველზე

სანიკიძე: ცოტნე მამაშენია ის მოძალადე, რომელსაც უნდა გაემიჯნო