ზვიად სიჭინავა: შექმნილ ყველანაირ პრობლემაზე პასუხისმგებელი biletebi.ge-ა

2015-06-22 14:01:31, 374 ნახვა

საზოგადოება

საქართველოს ფეხბურთის ფედერაციის პრეზიდენტის, ზვიად სიჭინავას განცხადებით, შექმნილ ყველანაირ პრობლემაზე პასუხისმგებელი biletebi.ge-ა.
ამის შესახებ სიჭინავამ „რუსთავი 2“-თან საუბარში განაცხადა.
მისივე თქმით, ფეხბურთის ფედერაცია და "უეფა" ყველაფერს აკეთებს იმისთვის, რომ ბილეთების გაყიდვა სწრაფად დაიწყოს.
„ყველანაირი პრობლემა რაც შეიქმენება, პასუხისმგებელი არის biletebi.ge. გუშინ მოგვცეს გარანტიები, რომ არანაირი პრობლემა შეიქმნებოდა. ტესტი ჩატარებულია. ტესტი გათვლილი იყო 2500 მყიდველზე ერთდროულად. სამწუხაროდ დღეს მოგვაწოდეს ინფორმაცია, იყო 10:05 რომ საიტზე შემოვიდა 10 ათასი კაცი. რა თქმა უნდა, გაუჭირდათ, მაგრამ გვყავს ხაზზე და არამარტო ფედერაციას, არამედ უეფას, ყველაფერს აკეთებენ იმისთვის, რომ ეს ხარვეზები გაასწორონ და ნორმალური გაყიდვები დაიწყონ ბილეთების.
კონტრაქტით ვალდებულები არიან, რომ დღეს გაიყიდოს ბილეთები. ბილეთების გაყიდვა უნდა დაწყებულიყო 09:00 საათზე. ყველაფერი გააკეთეს, მაგრამ არ იყო გათვლილი, როგორც ახლა ვხვდებით. გარანტიებს კი გვაძლევენ, მაგრამ ტექნიკურად არ ყოფილან მზად იმისთვის, რომ ასეთი რაოდენობის ხალხი შემოვიდოდა საიტზე“ - განაცხადა ზვიად სიჭინავამ.
შეგახსენებთ, რომ 11 აგვისტოს თბილისში, ბორის პაიჭაძის სახელობის "დინამო არენაზე" უეფას სუპერთასზე "ბარსელონა" და "სევილია" დაუპირისპირდებიან ერთმანეთს.