სტიქიის შედეგების სალიკვიდაციოდ, მთავრობის სარეზერვო ფონდიდან 10 მილიონი ლარი გამოიყოფა.

ინფორმაციას ფინანსთა სამინისტრო ავრცელებს.

„ფინანსთა სამინისტრო მუშაობის 24-საათიან რეჟიმზეა გადასული.  ფინანსთა მინისტრმა ნოდარ ხადურმა სამუშაო თათბირი გამართა, რომელსაც ესწრებოდნენ მინისტრის მოადგილეები, ასევე საბიუჯეტო დეპარტამენტისა და ფინანსთა სამინისტროს მომსახურების სააგენტოს ხელმძღვანელები.

ფინანსთა მინისტრმა დედაქალაქის მერის მოადგილისგან გიორგი ხელაიასგან მოისმინა ინფორმაცია ამჟამად არსებული ვითარების შესახებ.

როგორც მინისტრმა განაცხადა, სამინისტრო დღეს უკვე მზადაა, ზარალის საბოლოო ოდენობის დადგენამდე, სტიქიის შედეგების სალიკვიდაციოდ, მთავრობის სარეზერვო ფონდიდან გამოყოს 10 მლნ ლარი“, – ნათქვამია უწყების განცხადებაში.

ასევე, ფინანსთა სამინისტრო თხოვნით მიმართავს ეროვნულ ბანკსა და კომერციულ ბანკებს, დღეს განაახლონ მუშაობა, რათა საჭიროების შემთხვევაში, არ შეფერხდეს გადარიცხვები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება

ვაჟა-ფშაველას გამზირზე საგზაო მოძრაობა დროებით შეიზღუდება

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს