გორის რაიონის სოფელ ბერშუეთთან რუსმა ოკუპანტებმა 60 წლის ამირან დურგლიშვილი დააკავეს. მისი დაკავება იმ დროს მოხდა, როცა  ის სოფლის განაპირას, ქართული მხარის მიერ კონტროლირებად ტერიტორიაზე პირუტყვს მწყემსავდა. 

მეუღლის მტკიცებით, ამირან დურგლიშვილს საზღვარი არ დაუღვევია.

ამ დრომდე უცნობია, თუ სად იმყოფება დაკავებული. ოჯახი ვარაუდობს, რომ ის ცხინვალის იზოლატორში ჰყავთ გადაყვანილი.

"წასული იყო საქონლის სამწყემსად, ყავდა ბავშვი წაყვანილი, ძროხები ცოტა მოშორებით ტყეში შევიდნენ  და რომ უნდა გამოერეკა, ბავშვა დაინახა, რომ ძროხები გამოვიდნენ და მამამისი რომ ვეღარ დაინახა, ელოდა ცოტახანს და შემდეგ ჩამოვიდა და მითხრა, რომ იქ მამა აღარ არისო.რუსები გადმოდიან ჩვენს ტერიტორიაზე, აქედან ვინც კი წაიყვანეს, საზღვარი არც ერთს არ დაურღვევია",-განაცხადა დაკავებულის მეუღლემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს

9 აპრილის მემორიალთან დაკავებულ მოქალაქეს 10-დღიანი პატიმრობა შეეფარდა