აჭარის მთავრობის თავმჯდომარემ ზურაბ პატარაძემ მუნიციპალიტეტის გამგებელ ტარიელ ებრალიძესთან ერთად ხიჭაურში თანამედროვე სტანდარტების ბაგა-ბაღი გახსნა.

საბავშვო ბაღის მშენებლობა ხიჭაურის საჯარო სკოლის მიმდებარე ტერიტორიასთან ახლოს მიმდინარე წელს დაიწყო. პროექტის ფარგლებში აშენდება ორსართულიანი შენობა. მოეწყო საძინებლები, გასართობი ოთახები, სველი წერტილები, სამზარეულო, დამონტაჟდა ცენტრალური გათბობის თანამედროვე სისტემა. შენობა ადაპტირებულია შშმ პირთათვის. ბაგა-ბაღი 50-ზე მეტ აღსაზრდელზეა გათვლილი, დასაქმებულია 15-ზე მეტი ადგილობრივი. სამუშაოებს ტენდერში გამარჯვებული შპს ,,ლადა“ასრულებდა, რომლის მშენებლობაზეც 220.000 ლარი დაიხარჯა. შენობა სრულად აღიჭურვა საჭირო ინვენტარით, საბავშვო ლიტერატურით და ტექნიკით.

დღეის მდგომარეობით შუახევში 7 ბაგა-ბაღია მოქმედი. ოქტომბრის ბოლოს მათ რიცხვს ფურტიოს, ჩა ნჩხალოს და ჭალა-წყაროთის ბაგა-ბაღები შეემატება. დასაქმდება 80-ამდე ადგილობრივი.

ბაგა-ბაღის გახსნის ღონისძიებას ხიჭაურში აჭარის უმაღლესი საბჭოს თავმჯდომარე დავით გაბაიძე, საკანონმდებლო და აღმასრულებელი ხელისუფლების წარმომადგენლები, ბაღის აღსაზრდელები და მასწავლებლები ესწრებოდნენ.

ავტორი: ,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა