ოკუპირებულ ტერიტორიაზე, სოფელ ერედვში, შენობა-ნაგებობებს ანგრევენ და ტერიტორიას ნანგრევებისგან წმენდენ, - ამის შესახებ Apsny.ge იუწყება.

ოკუპირებული სამხრეთ ოსეთის სახელისუფლებო მედიის ცნობით,  ე.წ. სამხრეთ ოსეთის "სოციალურ-ეკონომიკური საინვესტიციო პროგრამის განვითარების" ფარგლებში, 2017 წელს ერედვის ტერიტორიას ნანგრევებისგან გაწმენდენ.

მედიის ცნობით, აღნიშნული პროგრამა რუსეთის ფედერაციის ბიუჯეტიდან ფინანსდება. 2017 წელს პროგრამის განხორციელებისთვის 4.2 მილიარდი რუბლი (70 მილიონი დოლარი) გამოყვეს. მთლიანობაში სეპარატისტული რეგიონის ბიუჯეტი 8.1 მილიარდ რუბლს შეადგენს.

მარიონეტული რეჟიმის წარმომადგენლის ვალერი კოკოევის განცხადებით, სამუშაოები იმისთვის ტარდება, რომ ადგილობრივმა მაცხოვრებლებმა მიწის დამუშავება შეძლონ. მისივე ინფორმაციით, პროგრამა 268 სახლის განადგურებას ითვალისწინებს, რომლისგანაც 163 უკვე დაანგრიეს.

ცნობისთვის, ერედვი გორის მუნიციპალიტეტის სოფელია, რომელიც ცხინვალიდან 5 კილომეტრშია. 2008 წლის აგვისტოს ომის დროს. რუსულმა ბომბდამშენებმა რამდენიმე სოფელი დაბომბეს. ოკუპანტებმა სახლები დაწვეს.

ავტორი: ,

სოციალური ქსელები

ორბანი და უნგრეთის საგარეო საქმეთა მინისტრი სიიარტო არჩევნებში დამარცხების შემდეგ საზოგადოების თვალთახედვიდან გაუჩინარდნენ

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა