პარლამენტის თავმჯდომარის მოადგილის, საპარლამენტო უმრავლესობის წევრის, თამარ ჩუგოშვილის შეფასებით, პრეზიდენტის ადმინისტრაციის მხრიდან საკონსტიტუციო ცვლილებების პროცესის წინააღმდეგ კამპანია იმართება.

„ეს ცალსახაა. ყველაა დარწმუნებული იმაში, რომ ესაა კამპანია. თქვა რომ კამპანია არ არის,  მაგრამ კამპანია იმართება, აქ კითხვის ნიშანიც არაა, რადგან გაუგებარია, რა არის იმ შეხვედრების მიზანი. იქ არ არსებობს უკუგების ფორმები, არ არსებობს  ოქმები, ის ინფორმაცია, რომელიც გროვდება შეხვედრებზე, კომისიამდე ვერ მოვა ვერანაირად, ანუ, თუკი არის საერთო-სახალხო განხილვები, უნდა გროვდებოდეს  ინფორმაცია და ეს ინფორმაცია მოდიოდეს პარლამენტამდე. არც უკუგების ფორმები არსებობს, არც  ოქმები არსებობს, შესაბამისად,  ვერანაირი სარგებელი ამ შეხვედრიდან კომისიამდე, პარლამენტამდე ვერ მოვა  და ვერც საზოგადოების მოსაზრებები ვერ მოვა. ეს ცალსახად ნიშნავს, რომ კამპანიაა“, - განმარტა თამარ ჩუგოშვილმა.

კითხვაზე-საკონსტიტუციო კომისიის წევრებიც  ესწრებიან  შეხვედრებს და ისინი ხომ არიან ინფორმაციის მომწოდებლები, ჩუგოშვილმა ასე უპასუხა:

 „აქ საბავშვო ბაღი არ არის, პარლამენტია და დოკუმენტალურად ტრიალებს ყველაფერი  და არანაირი დოკუმენტი ჩვენამდე არ მოსულა“, - დასძინა ჩუგოშვილმა.

ამავე თემაზე

პრეზიდენტი - „არ ვიცი, მმართველი გუნდი რატომ ეძახის ამას წინასაარჩევნო კამპანიას“

თამარ ჩუგოშვილი: დახურულ კარს მიღმა თვითონ არის, რადგან ყველა ოთახშია, გარდა პრეზიდენტისა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს