"ვაღიარებ, რომ ვაკონტროლებ სტრასბურგის სასამართლოს, ნიუ იორკის ბირჟას და ვაკონტროლებ გადაცემას „ვის უნდა 20 ათასი“, - ასე უპასუხა პრეზიდენტმა გიორგი მარგველაშვილმა ილიაუნიში სტუდენტის კითხვას, რომელიც სტრასბურგის სასამართლოსთან დაკავშირებით, პარლამენტის თავმჯდომარე ირაკლი კობახიძის დღევანდელ განცხადებას ეხებოდა.

როგორც პრეზიდენტმა აღნიშნა, არ იცის, საიდან მოდის მსგავსი ტიპის ინფორმაცია.

"არ ვიცი, საიდან მოდის ეს დაუზუსტებელი ინფორმაცია, რომელი ქვეყნების სპეცსამსახურები აწვდიან ამ ინფორმაციას სხვადასხვა თანამდებობის პირებს. სერიოზულად თუ გავცემ პასუხს, ვიტყვი, მნიშვნელოვანია, რომ როგორც აქ ვახერხებთ ერთმანეთთან საუბარს, ასეთი საუბრები შედგეს პოლიტიკოსებს შორის. მნიშვნელოვანია, იყოს კრიტიკა, მსჯელობა. ესაა დემოკრატია, როცა ერთმანეთს არა ბრალს ვდებთ, არამედ ვეკამათებით. ესაა, რაც ქმნის საზოგადოებას. საზოგადოება არ არის კაბინეტში ჩაკეტილი ადამიანები. საზოგადოებაა, როცა ადამიანები ერთმანეთს აზრებს უზიარებენ. გული მწყდება, რომ აქ სხვა პოლიტიკოსები არ არიან", - განაცხადა გიორგი მარგველაშვილმა.

შეგახსენებთ, პარლამენტის თავმჯდომარე ირაკლი კობახიძემ განაცხადა, რომ „რუსთავი 2“-ის საქმეზე, სტრასბურგის სასამართლოზე სხვადასხვა სუბიექტების, მათ შორის პრეზიდენტის მხრიდან, პოლიტიკური გავლენის მოხდენის მცდელობა იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი