საქართველოს თავდაცვის მინისტრმა ლევან იზორიამ, თავდაცვისა და უშიშროების კომიტეტის სხდომაზე, უწყებაში განხორციელებულ ოპტიმიზაციასა და რეორგანიზაციაზე კიდევ ერთხელ  ისაუბრა.

იზორიამ დეტალურად განმარტა ის მიზეზები, რის გამოც, ოპტიმიზაციის ფარგლებში, მტკივნეული გადაწყვეტილებების მიღება მოუწიათ.

მინისტრი ამბობს, რომ ყველა გადაწყვეტილება ეროვნული ინტერესებიდან გამომდინარეობდა:

„ყველაზე მტკივნეული საკითხი პირველ რიგში ჩვენთვის გახლდათ ოპტიმიზაციისა და რეორგანიზაციის თემა, რამაც გამოიწვია გარკვეული პერსონალის კადრების განკარგულებაში გადაყვანა, თუმცა მე ყოველთვის  ვამბობ და დღესაც გავიმეორებ, რომ პოლიტიკაში მნიშვნელოვანია პრიორიტეტების განსაზღვრა, და პრიორიტეტების განსაზღვრისას, ვმოქმედებდით ჩვენი ეროვნული ინტერესებიდან გამომდინარე,  ჩვენი ქვეყნის თავდაცვისუნარიანობის ინტერესებიდან გამომდინარე, იმ პრინციპული სტრატეგიული ამოცანებიდან გამომდინარე, რომელიც არა მხოლოდ საქართველოს, არამედ ნატო-ს მიერ იქნა განსაზღვრული, და არა მხოლოდ საქართველოს, როგორც პარტნიორ ქვეყანას, მოუწია ამ რეფორმების გატარება, მათ შორის მტკივნეული რეფორმების, არამედ ნატო-ს წევრ ქვეყნებსაც. ამაზე დღესაც მიდის მსჯელობები. თქვენ იცით, რომ ამერიკის შეერთებული შტატების ახალი ადმინისტრაცია მოთხოვნის ფორმით ესაუბრება ნატო-ს წევრ ქვეყნებს, რომ მათი თავდაცვის ბიუჯეტი იყოს მთლიანი შიდა პროდუქტის 2%, ასე რომ, ჩვენ ამ მიმართულებით გვაქვს ეს სტანდარტი უზრუნველყოფილი, მაგრამ უშუალოდ თავდაცვის ბიუჯეტში პროპორციულად არ იყო განაწილებული თანხები და ეს იყო პრობლემა. კერძოდ, 70%-მდე იყო სახელფასო უზრუნველყოფაში და სოციალური დახმარებებისთვის მიმართული, ხოლო აღჭურვილობისთვის 2%-იც კი არ იყო. რაც არ უნდა მტკივნეული ყოფილიყო ეს გადაწყვეტილებები, მე ვგრძნობდი პასუხისმგებლობას, გადაგვედგა პრინციპული  ნაბიჯები. თუ ქვეყანა არ იქნა დაცული, სუვერენიტეტი არ იქნა უზრუნველყოფილი,  განვითარების შანსი არ გავქვს, ეკონომიკურ განვითარებაზე საუბარი ზედმეტია“,-განაცხადა ლევან იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა