I ქვეითი ბრიგადის 12-ე მსუბუქი ქვეითი ბატალიონის გაძლიერებული ასეული ავღანეთში მიემგზავრება. სამშვიდობო მისიაში გაცილების ცერემონიალი დღეს მცხეთაში 12-ე ბატალიონის დილოკაციის ადგილას გაიმართა. საზეიმო ღონისძიება თავდაცვის სამინისტროს სამხედრო-საჩვენებელმა ორკესტრმა საქართველოს სახელმწიფო ჰიმნის შესრულებით დაიწყო. I ქვეითი ბრიგადის გაძლიერებული ასეულის პირადმა შემადგენლობამ და მოწვეულმა სტუმრებმა წუთიერი დუმილით პატივი მიაგეს საქართველოს ტერიტორიული მთლიანობისთვის და საერთაშორისო მისიებში დაღუპული ქართველი სამხედრო მოსამსახურეების ხსოვნას.

გაცილების ცერემონიალს გენერალური შტაბის უფროსის მოადგილე, პოლკოვნიკი ზაზა ჩხაიძე, აღმოსავლეთის სარდალი, პოლკოვნიკი შავლეგო ტაბატაძე და სხვა მაღალი რანგის სამხედრო მოსამსახურეები დაესწრნენ.

პოლკოვნიკმა ზაზა ჩხაიძემ ქართველ სამხედროებს სიტყვით მიმართა და სამშვიდობო მისიის წარმატებით შესრულება უსურვა. ღონისძიების დასასრულს კი I ქვეითი ბრიგადის გაძლიერებული ასეულის პირადი შემადგენლობა ბრიგადის სამხედრო კაპელანმა მამა მოსემ დალოცა. ქართული ასეულის ავღანეთში გაცილების ცერემონიალს სამხედრო მოსამსახურეთა ოჯახის წევრებიც ესწრებოდნენ. I ქვეითი ბრიგადის 12-ე მსუბუქი ქვეითი ბატალიონის ასეული ავღანეთში ამავე ბრიგადის 11-ე ბატალიონის ასეულს ჩაანაცვლებს და და ქაბულში, „მტკიცე მხარდაჭერის“ მისიის ბაზაზე ცენტრალური სარდლობის დაცვას 7 თვის განმავლობაში უზრუნველყოფს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა