ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის, ვიქტორ დოლიძის მტკიცებით, დღეს მთავრობაზე ბიძინა ივანიშვილს არაფორმალური გავლენა არ აქვს.

როგორც დოლიძემ ჟურნალისტებს განუცხადა, საქართველოს გიორგი კვირიკაშვილის სახით ძლიერი პრემიერი ჰყავს.

„გავლენა, მოსაზრება და ავტორიტეტი არის ერთი თემა, მმართველობა არის მეორე. დღეს საქართველოს ჰყავს პრემიერი, ძლიერი ფიგურა, რომელსაც პატივს ვცემ. მე ვარ ამ მთავრობის ერთ-ერთი წარმომადგენელი. არანაირ არაფორმალურ მმართველობაზე საუბარი არ შეიძლება“, - განაცხადა ვიქტორ დოლიძემ.

აღნიშნული განცხადება სახელმწიფო მინისტრმა პარლამენტში გააკეთა, სადაც ევროპასთან ინტეგრაციის კომიტეტს ევროკავშირის მხრიდან საქართველოს მოქალაქეებისთვის უვიზო მიმოსვლის რეჟიმის ამოქმედებასთან დაკავშირებით აღმასრულებელი ხელისუფლების მიერ განხორციელებული სამუშაოების შესახებ ინფორმაციას აწვდის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი