ეკონომიკისა და მდგრადი განვითარების მინისტრის გიორგი გახარიას განცხადებით, გუდაურში 360-გრადუსიანი ხედის საკონფერენციო ცენტრის აშენებით კურორტი 4-სეზონიანი გახდება.

მთავრობის სხდომის დასრულების შემდეგ მინისტრმა აღნიშნა, რომ ცენტრის აშენების მიზანი პირველ რიგში ტურიზმის განვითარებაა.

"სახელმწიფო კონცენტრირებულად ხარჯავს თანხას ტურიზმის განვითარებაში. დღეს ჩვენ მთავრობაზე გავიტანეთ საკითხი დეტალური განაშენიანების გეგმის შემუშავებაზე, რაზეც მთავრობისგან ნებართვა მივიღეთ. ამ თემაზე დისკუსიის დროს დაიბადა ეს იდეა, რომელიც ძალიან კარგია. გუდაურს მოუხდება ასეთი წერტილი, 360-გრადუსიანი ხედის ლოკაცია, რომელიც იქნება მრავალფუნქციური დანიშნულების ნაგებობა, გუდაურს საშუალებას მისცემს გახდეს ოთხსეზონიანი კურორტი. განაშენიანების გეგმის დეტალური განხილვის შემდეგ გავითვალისწინებთ, რომ ამ ლოკაციაში მსგავსი დანიშნულების წერტილი უნდა გაჩნდეს",- განაცხადა ეკონომიკის მინისტრმა.

ცნობისთვის, აღნიშნული ინიციატივა პრემიერ-მინისტრ გიორგი კვირიკაშვილს ეკუთვნის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი