თავდაცვის მინისტრმა ლევან იზორიამ ჟურნალისტის კითხვაზე საპასუხოდ, ნატო-ს სამხედრო კომიტეტის თავმჯდომარესთან ერთად გამართულ პრესკონფერენციაზე ნატო-საქართველოს ურთიერთობაში თავისუფალი მედიის ფაქტორზე ისაუბრა.

 იზორიას განცხადებით,  ნატო-ში ინტეგრაციაზე საუბრისას,  მათი  ამოცანაა, იმ ღირებულებების დამკვიდრება, რა ღირებულებებსაც დემოკრატიული საზოგადოება ემყარება. მათ შორის, იზორიას განმარტებით, ერთ-ერთი მნიშვნელოვანია სწორედ თავისუფალი მედია:

„ბუნებრივია, როდესაც ვსაუბრობთ ნატოზე, როგორც პოლიტიკურ და სამხედრო ორგანიზაციაზე, მხედველობაში გვაქვს ის ღირებულებები, რომლებიც გვაერთიანებს ჩვენს ნატო-ს წევრ ქვეყნებთან და როდესაც ჩვენ ნატო-ში ინტეგრაციაზე ვსაუბრობთ, პირველ რიგში ჩვენი ამოცანაა, იმ ღირებულებების დამკვიდრება, რა ღირებულებებსაც დემოკრატიული საზოგადოება ემყარება. ეს საზოგადოება პირველ რიგში დემოკრატიული ინსტიტუტების საფუძველზე არსებობს, მათ შორის თავისუფალი მედია არის ერთ-ერთი მნიშვნელოვანი ინსტიტუცია და ჩვენი ინტეგრაციის პროცესი სწორედ  ასეთი დამოუკიდებელი ინსტიტუტების განვითარების პროცესსაც ნიშნავს და ზოგადად იმ ღირებულებების დამყარების პროცესსაც ნიშნავს, რომელიც სიტყვის თავისუფლებას და საერთოდ ადამიანის თავისუფლებას ემყარება დემოკრატიულ საზოგადოებაში“,-განაცხადა ლევან იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა