|
2016-08-10 19:56:23, 631 ნახვა
სამხედრო
სამეთაურო-საშტაბო სწავლება „გორდა 2016“ დასრულდა
საქართველოს შეიარაღებული ძალების ეროვნული გვარდიის სასწავლო ცენტრ „ბაზალეთში“ ქართულ-ნორვეგიული სამეთაურო-საშტაბო სწავლება „გორდა 2016“ დასრულდა. თავდაცვის სამინისტროს ინფორმაციით, ცერემონიალი ნორვეგიისა და საქართველოს სახელმწიფო ჰიმნების შესრულებით დაიწყო, რის შემდეგაც მოწვეულმა სტუმრებმა და მონაწილეებმა წუთიერი დუმილით პატივი მიაგეს საქართველოს ერთიანობისათვის ბრძოლებსა და სამშვიდობო მისიებში დაღუპულ სამხედრო მოსამსახურეების ხსოვნას. „გორდა 2016“-ში მონაწილე პირად შემადგენლობას სწავლების წარმატებით დასრულება ნორვეგიის შიდა გვარდიის შტაბის უფროსმა, პოლკოვნიკმა ჯონ სვინდლენდმა მიულოცა. სიტყვით მიმართვისას მან აღნიშნა, რომ ქართველ და ნორვეგიელ გვარდიელებს ბევრი საერთო გამოწვევა აქვთ; თუმცა, ერთობლივი ძალისხმევით საერთო მიზნების მიღწევა შესაძლებელია. გვარდიელებს სიტყვით მიმართა და წარმატებები უსურვა ასევე, ეროვნული გვარდიის შტაბის უფროსმა, პოლკოვნიკმა აკაკი მახარაშვილმა. ცერემონიალის დასასრულს ეროვნული გვარდიის მეთაურმა, ბრიგადის გენერალმა ლევან გამყრელიძემ და მისმა მოადგილეებმა, პოლკოვნიკმა ანზორ გოგუაძემ და გიორგი ჩიქოვანმა სწავლებაში მონაწილე პირად შემადგენლობას შესაბამისი სერტიფიკატები გადასცა. ღონისძიება ეროვნული გვარდიის კაპელანის, მამა მიქაელის მიერ პირადი შემადგენლობის დალოცვით დასრულდა. სამეთაურო-საშტაბო სწავლების „გორდა 2016“ მიზანი, ნორვეგიული გამოცდილების გაზიარებით, ეროვნული გვარდიის სხვადასხვა დონის შტაბის დაგეგმვისა და მართვის პროცესის უნარ-ჩვევების გაუმჯობესება და კოორდინებული მოქმედებების დახვეწა იყო. სწავლების დასკვნითი ეტაპით საქართველოს ეროვნული გვარდიისა და ნორვეგიის სამეფოს შიდა გვარდიის 4-წლიანი ერთობლივი პროექტი დასრულდა.
(NS)
მეუფე იობი: ღმერთმა ინებოს, მომავალი პატრიარქის და მეფის ღვაწლით, გამოვიდეთ ამ ჭაობიდან
მერია: 12 აპრილს მეტრო 04:00 საათამდე იმუშავებს, 23:00 საათიდან მგზავრობა უფასო იქნება
პოლონეთში 5 თვის ბავშვი, სავარაუდოდ, ცემის შედეგად დაიღუპა - დააკავეს ქართველი დედა, ეძებენ მამას
POLITICO: ტრამპმა რუტეს დახურულ შეხვედრაზე შეურაცხყოფა მიაყენა, მიანიშნა შურისძიების ვარიანტებზე
|
რედაქტორის რჩევით
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
ომი უკრაინაშიზელენსკიმ „აღდგომის ზავის“ ფარგლებში ცეცხლის შეწყვეტის მზადყოფნა გამოაცხადა
აზოვის ზღვაში უკრაინელებმა ხორბლის გადამზიდავი ჩაიძირეს
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)