„რომპეტროლ საქართველოს" ორგანიზებით და ფინანსური მხარდაჭერით, თბილისის სახელმწიფო უნივერსიტეტის ეგიდით, წამყვანი უცხოელი სპეცილისტები, თემაზე: „კონკურენციის სამართალი - ახალი გამოწვევა საქართველოსთვის“ საერთაშორისო კონფერენციას ატარებენ.

კონფერენცია  ბორჯომში, სასტუმრო „რიქსოსში“ მიმდინარეობს. საქართველოში კონკურენციის კანონმდებლობის თემაზე, ასეთი დონის და მასშტაბის კონფერენცია პირველად ტარდება. კონფერენციაზე გამომსვლელი მომხსენებლები,  მსოფლიო დონის წამყვანი სპეციალისტები და საერთაშორისო იურიდიული კომპანიების პარტნიორები არიან.

 „საქართველოში კონკურენციის სააგენტო სულ რამდენიმე წელია ფუნქციონირებს. „რომპეტროლი“ ცდილობს ქვეყნის ინტერესებიდან გამომდინარე, ხელი შეუწყოს საქართველოში ამ სფეროს განვითარებას. სააგენტოს მიზანს საქართველოში ბაზრის ლიბერალიზაციის, თავისუფალი ვაჭრობის და კონკურენციის ხელშეწყობა წარმოადგენს. რომპეტროლი ცდილობს ხელი შეუწყოს საქართველოში კონკურენციის სამართლის განვითარებას, რაც ქვეყანაში კონკურენტული გარემოს განვითარებაზე დადებითად უნდა აისახოს", - აცხადებენ „რომპეტროლში“. 

 საერთაშორისო კონფერენციის ფარგლებში, ასევე გაიმართება ტრენინგი სახელწოდებით - „კაპიტალის უზრუნველყოფის ნორმები, შერწყმა და კონკურენციის პრინციპები“ სამდღიანი კონფერენციის და ტრენინგის მომხსენებლები არიან:   

 ჯეიმს ჰენკსი - Venable LLP-ის პარტნიორი, ექსპერტი, ლექტორი. მოხსენების თემა: ამერიკის კონკურენციის სამართლის ძირითადი აქტები და სასამართლო პრაქტიკა. 

 ბერტოლდ ბარ-ბოუისირი  - DLA Piper-ის პარტნიორი. მოხსენების თემა: კონკურენციის სამართლის გამოყენება ცოცხალი ორგანიზმების მეცნიერების ინდუსტრიაში (ინტერფეისის კონკურენცია, პატენტები და ა.შ.). 

 ფელიქს სკალა - კონკურენციის სამართლის დეპარტამენტის ხელმძღვანელი Deloitte-ს გერმანიის ოფისში. მოხსენების თემა: კონკურენციის თავსებადობის პროგრამები ევროპული პერსპექტივიდან.

 დავით იაკობიძე - ეკონომისტი და საქართველოს ტექნიკური უნივერსიტეტის პროფესორი. მოხსენების თემა: კონკურენტული გარემოს სტრუქტურირებული ტრანსფორმაცია პატარა ეკონომიკებში.

 ვარშა კეილი - მეიერ ბრაუნის” ლონდონის ანტიმონოპოლიური და კონკურენციის ჯგუფის მრჩეველი.

 ალექსანდრა  ანინოიუ - “მეიერ ბრაუნის” „ანტიმონოპოლიისა და კონკურენციის“ ლონდონის ოფისის იურისტი. მოხსენების თემა: კარტელები ევროკავშირის სამართლის მიხედვით: სამართლებრივი განვითარება და პრაქტიკული გამოწვევები.

 რობ დევისი - Venable LLP-ის მრჩეველი. მოხსენების თემა: თანამედროვე ამერიკული მიდგომები შეთანხმებებისა და „hub-and-spoke“ კავშირების გამოსავლენად.

 დოქტორი იან იოახიმ დრეიერი - DLA Piper-ის პარტნიორი. მოხსენების თემა: გერმანიის კონკურენციის სამართლის განვითარების თანამედროვე ტენდენციები - აღსრულების მთავარი საკითხები.

კონფერენციაში 70-მდე ამ საკითხით დაინტერესებული ადამიანი, მათ შორის მოსამართლეები, ადვოკატები, კონკურენციის სააგენტოს წარმომადგენლები, ბიზნეს ომბუდსმენის და პრემიერის ეკონომიკური საბჭოს თანამშრომლები მონაწილეობს.

კონფერენცია და ტრენინგები ორშაბათს დაიწყო და 13 ივლისს დასრულდება.

KMG International (ყოფილი Rompetrol Group NV) KMG-მ 2007 წელს შეიძინა. კომპანია ფლობს ორ ნავთობგადამამუშავებელ ქარხანას რუმინეთში, ასევე, ბენზინ გასამართი სადგურების ქსელს ევროპის კავშირის ქვეყნებში. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო